Silvio Berlusconi er ikkje akkurat kjend for å vakte orda sine vel.
Upassande kommentarar og uheldige vitsar har nær vorte eit varemerke for den tidlegare italienske statsministeren.
Under eit tv-program på statskanalen Rai2 i går slo han til igjen.
På spørsmål frå ein ung kvinneleg student om korleis eit ungt par skal få råd til å stifte familie i Italia utan å ha fast arbeid, svarte Berlusconi følgjande:
- Skjønar lite
Utspelet har fått dei politiske rivalane hans til å rase.
- Desse orda syner klart kor lite Berlusconi skjønar av problema til dei unge.
Det meiner Berlusconis politiske rival Walter Veltroni, som er statsministerkandidat for Det Demokratiske Parti. I følgje dei nyaste meiningsmålingane ligg dette partiet seks prosentpoeng bak koalisjonen "Frihetens Folk", som Berlusconi leier.
Andre meinte at Berlusconi burde kome med ei offentleg orsaking til den unge kvinna.
- Latterleg
Berlusconi sjølv ser ingen grunn til oppstyr.
- Det er latterleg å ta slik på veg, uttala han etter sendinga.
Seinare sende han pressetalsmann Paolo Bonaiuti ut for å avvise kritikken endå ei gong.
- Det Demokratiske Parti har ingen argument mot politikken vår, så Veltroni er nøydd til å klamre seg til ein spøkefull kommentar.
