– Uansett kven som eig reinen, er det vi norske reineigarar som må ta hand om den.
Det seier Knut Tørresdal. Han driv sjølv reindrift i Trøndelagsområdet.
Dei to siste vintrane har han i periodar hatt 3000 svenske rein gåande i området i tillegg til sine eigne.
– Det er mykje arbeid med reinen. Ein må samle reinen, ha den inn i eit skilletrau, laste den opp og køyre den heim, fortel han.
LES OGSÅ: Vårflytting av rein med trailere
Manglar 15 km
Grunnen til at den svenske reinen kjem på noregsbesøk, er ein 15 km lang opning i reingjerdet langs riksgrensa.
Det fortel Ole Jakob Kvalshaug som jobbar i reindriftavdelinga hos fylkesmannen i Sør-Trøndelag. No vil avdelinga tette holet i gjerdet for å lette presset på norske beitemarker.
Til hausten skal dei møte svenske kollegaer for å kome fram til eit forslag. Forslaget skal så på høyring.
Eit nytt gjerde kjem tidlegast neste haust.
LES OGSÅ: Rein lykke med nye lekekamerat