– Når eg er på skulen, går eg stort sett berre rundt i gangane, sa Yngvild Elvira Huus Rønning, då 17 år, til NRK i 2005.
Då gjekk ho på den lokale skulen i Andøy kommune.
Den no 25 år gamle kvinna er evig takksam for at ho fekk bytte skule til Rå vidaregåande skule.
Kjempa for Yngvild
Mor Ingeborg Huus måtte kjempa ein innbiten kamp for at dottera skulle få gå på Rå, i nabokommunen Kvæfjord.
Rå videregående er ein skule med spesialopplæring og tilrettelagt, verna butilbod for elevar som treng det.
- Les også:
- Les også:
- Les også:
Yngvild vart nekta skuleplass, fordi Kvæfjord ligg i nabofylket Troms, og Andøy kommune ikkje ville betala dei ekstra kostnadane for tilsyn etter skuletid.
Men til slutt fekk 17-åringen draumen oppfylt. Kommunen snudde i saka, og Yngvild kunne endeleg byrja på skulen.
Det skulle endra livet hennar for alltid.
Fekk endeleg vener
– Det var godt å få byrja på Rå, eg lærte så mykje, seier Yngvild, i dag.
– Før var eg nesten stum, men så lærte eg å snakka ut, då eg kom til Rå. Eg lærte også å arbeida. Og på Rå fekk eg mange vener.
Etter åra på Rå fekk Yngvild sjølvtillit. No står ho støtt på eigne bein.
Stortrivest i sitt nye heim
Bu- og arbeidsfellesskapen Rotvoll Camphill ligg idyllisk til ved Trondheimsfjorden. Her bur og arbeidar vaksne som treng spesiell omsorg. Det er den nye heimen til Yngvild.
– Eg jobbar i bakeriet, og på vevstova, seier Yngvild. – Også bur eg i lag med fleire unge på min eigen alder. Me har det kjekt så kjekt i lag!
Yngvild er usikker på om ho hadde vore der ho er i dag, om ho ikkje hadde fått gått på Rå i Kvæfjord.
– Dei kan ikkje leggja ned skulen
Men Yngvild uroar seg. For skulen som endra livet hennar, er trua av nedlegging.
På datamaskina til Yngvild har ho samla lenker frå NRK og avisene i nord. Der står det om skulekutta som er føreslåtte i Troms fylke. Eit av forslaga er å leggja ned den vidaregåande skulen allereie frå august neste år.
- Les også:
- Les også:
- Les også:
Det gjer vondt for den tidlegare eleven.
– Det er så trist, seier Yngvild, og stemma brest.
– For sånne som meg, me treng ein plass som Rå. Dersom eg kunne snakka direkte politikarane, ville eg berre sagt ein ting: Ikkje legg ned skulen.