– Politiet fekk melding om brannen like før klokka sju om morgonen om brann i ein einebustad i Aalsgate i Porsgrunn, seier operasjonsleiar Ole Jørgen Lund ved Sør-Øst politidistrikt avdeling Telemark.
Då naudetatane kjem fram er det røykutvikling og flammar frå andre etasje i bygningen.
– Brannvesenet tar seg inn med røykdykkarar, og hentar etter kvart ut ein livlaus person som blir bekrefta omkommen.
Huset er ikkje totalskadd i brannen. Men det skulle i utgangspunktet vere ubebodd.
– I følgje våre system er det ingen som er registrert på denne adressa, som vi fann mens vi rykka ut, seier Lund.
Veit kven den døde er
Politiet arbeidde vidare med å finne ut kven som eig huset, eller kven som disponerer huset.
Og politiet identifierte den avdøde som mannen som eig huset.
– Det var huseigar, ein mann i 50-åra som omkom i brannen. Dei pårørande er varsla, melder politiet på Twitter kl 10.20.
Brannvesenet avslutta sitt arbeid sitt arbeid klokka 08.00 om morgonen.
Huset er skadd i andre etasje der det blei meldt om flammer, men politiet har ikkje oversikt over kor store skadene er.
– Brannen er sløkt, men politiet og brannvesenet jobbar framleis på staden med å avhøyre vitne og andre som bur i området.
Brannårsaka er førebels ikkje kjent.