Vipers-trenarens beskjed til Larvik: «Betre lykke neste gong»

Både Vipers' og Larviks trenarar har bestemt seg for kva tekstmeldingar dei skal sende til kvarandre etter sesongslutt til våren.

Kenneth Gabrielsen

SELVSIKKER: Vipers-trener Kenneth Gabrielsen.

Foto: Jon Olav Nesvold / NTB scanpix

– Eg kjem nok til å skrive «Takk for kampen. Betre lykke neste gong», til Tor, seier Vipers-trenar Kenneth Gabrielsen.

– Mi melding blir kort og greitt «Gratulerer med sølv», kontrar Larvik-trenar Tor Oddvar Moen.

Eliteserien opnar i helga, og det går mot den mest uvisse sesongen på svært lenge i norsk kvinnehandball.

Ikkje berre har Vipers teke overteke favorittstempelet frå Larvik som har vunne serien dei 17 siste sesongane, og som i vår tapte ein seriekamp for første gong sidan april 2001.

Profilar som Heidi Løke (Storhamar), Camilla Herrem (Sola) og Katrine Lunde (Vipers) er også tilbake i norsk eliteserie etter fleire år i utanlandske toppklubbar.

Ni av 12 eliteserietrenarar held Vipers som favoritt til seriegullet.

– Skal ha ein tittel denne sesongen

Vipers-trenaren likar at hans lag er favoritt.

– Det er herleg, og det skal vi takle. Vi skal ha ein tittel denne sesongen, anten serie, cup eller sluttspel. Og vi skal bite frå oss i meisterligaen. Hugs at Vipers enno ikkje har vunne nokon ting, seier Gabrielsen.

Han kom til Vipers i fjor, og då var målet å bli best i sesongen 2018–19. Men så hadde laget ein god sesong i fjor.

– Vi har vore flinke til å hente inn kvalitet også i går. Larvik er svekka, men har likevel masse kvalitet igjen. Det blir morosamt i norsk eliteserie i år, seier Vipers-trenaren.

– Vinnarkultur, men ikkje i veggane

– Vi går for siger. Eg forstår spådommane, men vi har ambisjonar om å vinne. Vi går for siger, seier Gabrielsens kollega i Larvik, Tor Odvar Moen.

– Det er gøy å bygge lag, gøy å prøve å finne styrkar og kvalitetar. Vi har mykje på plass.

– Og så sit det vinnarkultur i veggane?

– Nei, i folka i klubben. Kultur er resultat av dei menneska som er der. Vi vinn fordi vi har erfaring, gode nok spelarar, og veit korleis det er å vinne serien, seier Moen.

Tor Odvar Moen

VINNARKULTUR: – Den sit ikkje i veggane, men hos folka som er i klubben, seier Larvik-trenar Tor Odvar Moen. Her sammen med Thea Mørk.

Foto: Vidar Ruud / NTB scanpix

– Ikkje førebudd på å tape

Thea Mørk har knapt vore med på å tape ein handballkamp på toppnivå.

– Korleis møter du tanken på å kanskje tape no?

– Eg orkar ikkje å tenke på det. Eg elskar å vinne. Men eg har ikkje førebudd meg på å tape, eg får takle det når det eventuelt kjem, seier Larvik-spelaren.

– Det ser vi på som ei utfordring. Men vi har ein stor vinnarkultur, dette blir ein ny start for oss, seier Mørk, som har mange nye lagvenninner å spele saman med i år.

– Det blir utfordrande. Eg gjekk rett frå ung og lovande i fjor til topp på gamlelista i år – iallfall topp 3-4, slår Mørk fast.

  • Favorittane opnar søndag med Larvik – Fredrikstad og Glassverket – Vipers.
Kenneth Gabrielsen

MELDING: Vipers-trenar Kenneth Gabrielsen har telefonmeldinga klar "når" Vipers har slått Larvik i serien.

Foto: NRK

Siste nytt

  • HamKam tok over tabelltoppen

    Kjetil Rekdals HamKam tar helg på toppen av tabellen i 1. divisjon etter en sterk 1-0-seier over Fredrikstad fredag kveld.

    Rubén Alegre satte inn kampens eneste mål som sørget for at Rekdals gode start på sesongen fortsatte.

    Hamar-laget er dermed det eneste laget som ikke har tapt etter at samtlige lag har spilt seks kamper denne sesongen. HamKam topper divisjonen ett poeng foran kveldens motstander Fredrikstad. (NTB)

    1. divisjon fotball 2020: Tromsø - HamKam (3-1). Kjetil Rekdal.
    Foto: Rune Stoltz Bertinussen / NTB
  • Straffast for homofobiske rop

    Det mexicanske fotballandslaget må spele sine to neste kampar i VM-kvalifiseringa utan tilskodarar, etter at landets supportarar kom med homofobiske rop tidlegare i år. Ropa skal ha skjedd under to OL-kvalifiseringskampar.

    Det skriv AP. Dermed må Mexico spele sine kampar mot Jamaica og Canada utan tilskodarar. I tillegg må Det mexicanske fotballforbundet betale ein bot på i overkant av 550.000 kroner i bot.

    Mexico fekk også ein straff for ein liknande hending under kvalifiseringa til VM i 2018, og i sjølve meisterskapet.

    siYRiP-ei5M
    Foto: ELIJAH NOUVELAGE / AFP
  • Frekk Flo scoring mot Aalesund

    Per-Egil Flo sitt første mål for Sogndal sidan returen frå sveitsiske Lausanne var av det frekke slaget.

    I 1.-divisjonskampen mot Aalesund fekk Sogndal eit frispark i kampens siste speleminutt. Det blei slått hardt og lågt rett på Flo, som med hælen flikka ballen i lengste hjørne. Med det fastsette han resultatet i kampen til 2–0, etter at Mansour Gueye scora kampens første.

    Dermed ligg Sogndal på 6.-plass etter seks serierundar, medan Aalesund, poenget bak, ligg på 13.-plass.

    5QHTQ3qcc5U
    Foto: Carina Johansen / NTB

Sendeplan

Kl. Program Kanal