Slik blir fotball-EM på TV

NRK sender EM-finalen og alle Tysklands kampar i gruppespelet, medan TV 2 har opningskampen og begge semifinalane.

Sendeskjema EM

FULL OVERSIKT: Slik går kampane på TV.

Foto: Pressebilde / NRK

– Vi er sjølvsagt glad for å ha finalen på NRK, seier redaksjonssjef for event i NRK, Janne Fredriksen.

Klikk her og skriv ut stor versjon av sendeskjemaet!

Det er andre gong NRK og TV 2 sender frå eit fotballsluttspel saman. Sist var VM i Brasil i 2014.

– Tilbakemeldingane den gong var veldig positive frå alle hald. No ser vi fram til å attskapa suksessen saman med NRK og servera det ypparste frå internasjonal fotball til det norske folk, seier sportssjef i TV 2, Vegard Jansen Hagen.

Avspark for årets fotball-EM går om 50 dagar, fredag 10. juni.

Ny NRK-ekspert

For NRK skal Carina Olset leda sendingane frå Kontraskjæret saman med fotballekspert Lise Klaveness og andre gjestar. Kommentator-para i Frankrike vert Christian Nilssen/Tom Nordlie og Andreas Stabrun Smith/Bengt Eriksen.

Det er første gong Bengt Eriksen er med som fotballekspert på NRK.

For TV 2 skal Julie Strømsvåg og Erik Thorstvedt leia sendinga, medan Øyvind Alsaker og Kasper Wikestad kommentera kampane i Frankrike. Dei får med seg Petter Myhre, Egil «Drillo» Olsen og Brede Hangeland som ekspertar.

TV-team under EM

EM-TEAM: Frå venstre: Julie Strømsvåg (TV 2 anker), Christian Nilssen (NRK kommentator), Carina Olset (NRK anker) og Øyvond Alsaker (TV 2 kommentator).

Foto: Øivind Oksnes / TV 2

Alt direkte på radio

Kanalane har fordelt kampane med 28 til TV 2, medan NRK skal sende 23 kampar på TV.

I tillegg vert alle kampane sendt direkte på NRK sine radiokanalar, fordelt på NRK P1 og NRK Sport på DAB.

Samarbeidet mellom NRK og TV 2 om eit sluttspel i fotball skjer for andre gong i år, men også kampane under VM i 2018 og 2022 vert delt mellom kanalane.

Siste nytt

  • Glesnes tap i MLS-semifinale

    Jakob Glesnes og hans Philadelphia Union tapte 1–2 for Portland Timbers i semifinalen av MLS' comeback-turnering. Dermed blir det ingen nordmenn i finalen av turneringa i Orlando.

    Portland Timbers tok ei tidleg leiing etter scoring av Jeremy Ebobisse. Philadelphia hadde sjansen til å utlikne då dei fekk straffespark på overtid i første omgang, men Sergio Santos blåste straffa over mål.

    I andre omgang dobla Dario Zuparic Portland si leiing etter eit hjørnespark, før Andrew Wooten reduserte fem minutt før slutt. Men utan fleire mål er det Portland Timbers som er klare for finalen, der dei skal møte vinnaren av oppgjeret mellom Orlando City og Minnesota United.

    Jakob Glesnes (t.h.) i duell med Zdeněk Ondrášek.
    Foto: Jerome Miron / Reuters
  • Aké er klar for Manchester City

    Nathan Aké blir Bournemouths dyraste sal nokosinne, etter at Manchester City skal ha bladd opp med rundt 475 millionar kroner for den tidlegare Chelsea-spelaren.

    – City har vore det beste laget i England det siste tiåret, og det er ein draum å kome hit. Det er eit topplag fullt av spelarar i verdsklasse, seier Aké.

    Nederlendaren var ein del av Bournemouth-laget som rykka ned frå Premier League førre sesong, men blir ikkje med ned til meisterskapsserien.

    Nathan Aké
    Foto: Andrew Yates / Reuters
  • Kalassiger for Molde

    Molde stoppa ikkje før dei hadde scora fem gongar i onsdagens eliteseriekamp mot Start, som til slutt enda 5–0. To mål kvar frå Ohi Omoijuanfo og Ola Brynhildsen, samt ein scoring frå Magnus Wolff Eikrem sørga for ein kalassiger på Aker Stadion. 5-0 sigeren gjer at Molde er tilbake på vinnarsporet etter tapet mot Sandefjord førre helg.

    Eliteserien fotball 2020, Molde - Start.
    Foto: Svein Ove Ekornesvåg / Svein Ove Ekornesvåg

Sendeplan

Kl. Program Kanal