NRK Meny
Normal

Historisk Hegerberg i ekstase: – Rått!

Ada Hegerberg (22) slo lufta brutalt ut av motstandar Wolfsburg og tok toppscorar-rekorden i ein ellevill ekstraomgang som hadde alt.

Hegerberg

TREDJE MEISTERLIGATITTEL: Ada Hegerberg tok sin tredje tittel og blei tidenes toppscorar i ein meisterligasesong.

Foto: GLEB GARANICH / Reuters

Laster innhold, vennligst vent..

– Vi er best i Europa igjen. Eg er skikkeleg stolt. Det er heilt rått!, seier Hegerberg til Viasat etter meisterligafinalen i Kiev.

Ein fantomovergang av Lyon var det som skulle sikre Hegerberg sin tredje meisterligatittel og sitt 15. mål i turneringa denne sesongen.

Sist på ballen var Lyons norske spiss, som toppa ein snuoperasjon av dei sjeldne i første ekstraomgang.

Utvisning og fire mål på 15 minutt

Omgangen starta med stillinga 0-0 og elleve spelarar på begge lag, men på 15 minutt eksploderte kampen.

Eit skadeskutt Wolfsburg tok leiinga med danske Pernille Harder, men så blei lagvenninne Alexandra Popp utvist etter ei monstertakling.

Med ti kvinner igjen blei det tyske laget maltraktert av Hegerberg og Lyon, som utlikna, tok føringa og til slutt avgjorde med Hegerberg-scoring i ein og samme ekstraomgang.

– Ein ting er å ha ambisjonar om å vinne. Ein annan ting er å gjøre det, seier Hegerberg til Viasat.

Graham Hansen kjempa mot tårene

I den elleville ekstraomgangen var Wolfsburgs Caroline Graham Hansen (23) tatt av banen for lengst grunna skade. Graham Hansen måtte av banen i pausen som følger av ei lårhøne i den tyske cupfinalen før oppgjøret mot Lyon.

Dermed blei det aldri noko av den reine norske duellen då dramaet tilspissa seg i ekstraomgangane.

Etter kampen kjempa Graham Hansen mot tårene i intervju med Viasat.

– Eg har slitt med skaden sidan førre kamp. Frå første sprint følte eg at det nesten gjekk gale. Eg er skuffa, seier Graham Hansen til Viasat.

– Ho er ikkje alvorleg skada. Caroline fekk ei lårhøne på baksida av låret i finalen i førre kamp. Ho var usikker før kampstart. Heile låret er blått, men ho ville prøve, skriv Graham Hansens far, Petter Normann Hansen i ein SMS til NRK.

Wolfsburg

BASKETAK: Wolfsburg blei offer i mange harde duellar mot Lyon.

Foto: FRANCK FIFE / AFP

Usynleg rekordkvinne i finale som fekk teknologi-slakt

Med sitt 15. mål passerte Hegerberg tidenes meisterligatoppscorar Célia Šašić, som nådde 14 mål for Frankfurt for tre sesongar sidan.

Men inntil scoringa var Hegerberg så godt som usynleg i kampen. Til Viasat seier ho at ho aldri fekk pasningane ho ville ha i løpet av dei ordinære miutta.

Meir synlege var lagvenninne Eugenie Le Sommer, som pressa inn ei scoring i ordinær tid, men dommaren godkjente aldri målet. Reprisen viste at ballen var over mål etter Lyons heading, og kunne dermed ha avgjort meisterligafinalen etter ordinær tid.

Kampen gjekk utan mållinjeteknologi, noko landslagskaptein Maren Mjelde og ekspert Lars Tjærnås var kritisk til i Viasat-studio.

– Eg blir litt provosert. Det er 2018. Då skal vi ha mållinjeteknologi på plass, sa Tjærnås.

– Det er den største klubbkampen for kvinner, så har dei ikkje dette på plass. Ein skulle tru at dei hadde komme lengre enn dette i 2018. Vi brukte mållinjeteknologi allereie i VM for tre år sidan. Det er ingen grunn til at det ikkje skal vere her, sa Mjelde.

Graham Hansen

UT I FINALEN: Graham Hansen spelte med blått lår etter ei lårhøne i kampen før finalen, og måtte ut i pausen.

Foto: VALENTYN OGIRENKO / Reuters

Siste nytt

  • Utsetter elbiler i rally-VM

    Planene om å innføre elektriske biler i rallycross-VM er utsatt til 2021. Det gir fabrikantene mer tid til å vurdere om de vil være med på elbil-satsingen. Det internasjonale motorsportforbundet (FIA) slapp nyheten torsdag.

    VM rallycross
    Foto: Jørgen Steinli / NTB scanpix
  • PSG forsterker

    Forsvarsspilleren Thilo Kehrer er klar for Paris Saint-Germain. Tyskeren har skrevet under på en femårskontrakt. PSG betaler 37 millioner euro for Kehrer. Klubben har også forsterket stallen med den italienske veterankeeperen Gianluigi Buffon.

    Germany France Soccer PSG
    Foto: Martin Meissner / AP
  • La Liga til Amerika

    Kampar i den spanske toppligaen skal i framtida bli spelt i USA. Det melder BBC. La Liga har inngått ein 15-årig avtale med medieselskapet Relevent for å promotere fotballen i USA. – Ein banebrytande avtale, seier La Liga-president Javier Tebas.

    La Liga Santander - Deportivo de La Coruna vs Barcelona
    Foto: Miguel Vidal / Reuters

Sendeplan

Kl. Program Kanal
NRK Sport Live med NM-veka
NM-veka: Rullestolsrugby, finale
NM-veka: Rullestolrugby
NM-veka: Sandvollyeball, finale for kvinner
NM-veka: Sandvolleyball, kvinner
Sport i dag med NM-veka
NM-veka: Sandvolleyball, finale for menn
NM-veka: Sandvolleyball, menn
NM-veka: Sandvolleyball og judo
NM-veka: Judo, lagfinaler
NM-veka: Judo