NRK Meny
Normal

Romøren vraka til første VM-renn

Bjørn Einar Romøren er ute av laget, og må sjå normalbakkerennet i Midstua frå tribuna.

Bjørn Einar Romøren og Clas Brede Bråthen

UTE: Skihoppar Bjørn Einar Romøren får ikkje hoppe første renn i Midtstuebakken.

Foto: Bendiksby, Terje / Scanpix

– Pallplassene er tatt, så jeg slit litt no, sa Bjørn Einar Romøren humoristisk då han som fjerde norske hoppar skulle fortelje om VM-draumane sine under hopplandslagets pressekonferanse torsdag.

Men no har draumane fått eit skot for baugen. Romøren er vraka til normalbakkerennet i Midstua fredag.

– Eg er veldig skuffa. Eg har kjempa for å komme inn i troppen, men eg skal ikkje gje meg no. No siktar eg bare fram mot søndag, seier Romøren.

Søndag er det laghopping i Midtstuebakken.

Skuffa over treningshoppa

Romøren kom med i VM-troppen som femte mann. Sesongen har vore dårleg for hopparen, men han har heile tida nekta å sjå på seg sjølv som ein reserve.

– Eg er skuffa over meg sjølv for at eg ikkje fikk ut alt i treningshoppinga før dette rennet, seier han.

Ingen ting å seie på uttaket

Hopparen er i første omgang vraka til fordel for Anders Bardal, som lenge blei sett på som ein utfordrar til den fjerde konkurranseplassen på landslaget.

– Eg har ingen ting å seie på sjølve uttaket, seier Romøren.

Siste nytt

Sendeplan

Kl. Program Kanal
VM-kvalifisering fotball, kvinner: Norge - Slovakia
4-4-2 VM-kvalifisering fotball kvinner: Norge - Slovakia
VM-kvalifisering fotball kvinner
VM-kvalifisering fotball, kvinner: Norge - Slovakia
4-4-2 VM-kvalifisering fotball kvinner: Norge - Slovakia
VM-kveld
VM-kveld sykkel-VM