Norsk hoppveke får kritikk for namnevalet

Den norske hoppveka skal heite Raw Air, men Språkrådet meiner namnevalet bommar fullstendig på hoppkanten.

Raw Air

RÅTT OG INTENST: Slik skal den norske hoppveka bli presenterast for FIS i dag – og for resten av verda etterpå.

Stöckl

UTFORDRING: – Ingen skihoppar har vore med på noko slikt før, seier landslagssjef Alexander Stöckl

Foto: Primoz Lovric / NTB scanpix

Eg synest dette høyrest ut som eit eksempel på dårleg språkleg sjølvtillit, seier direktør i Språkrådet, Åse Wetås og held fram:

– Veldig mange idrettsarrangement rundt om i verda har flotte namn på nasjonalspråket. Vi har Marcialonga i Italia, Tour de France i Frankrike og Vasaloppet i Sverige. Alt dette fungerer veldig bra i marknadsføringssamanheng, sier Wetås.

Stri tørn

Landslagssjef Alexander Stöckl er derimot ueinig med Sråkrådet og omfamnar det nye namnet.

– Det er trendy, og det er viktig å trekke til seg eit yngre publikum. Vi er dei som set trenden i vår idrett, seier Alexander Stöckl.

– Dette blir ein fantastisk sjanse til å ta sporten eit steg vidare. Vi blir endå råare og tøffare, og ei slik turnering kan utvikle sporten, seier landslagssjefen til NRK.

Den norske hoppveka i mars blir ein stri tørn for hopparane. Ikkje berre skal det vere hopprenn i fire norske bakkar i løpet av ti dagar.

Arne Åbråten

SJEFEN: Arne Åbråten har hovudansvaret for at første utgåve av den norske hoppveka blir ein suksess å byggje vidare på

Foto: Pedersen, Terje / NTB scanpix

Men i tillegg skal også resultata frå laghopprenna og kvalifiseringsomgangane telje med i konkurransen.

Det betyr 16 strake teljande hopp rett etter at VM er over og nesten heilt mot slutten av verdscupsesongen.

Ingen dag er konkurransefri

– Vi har lyst til å utfordre med å lage den mest intense og tøffaste hoppkonkurransen, og på den måten skilje oss ut frå den tradisjonelle hoppveka, seier Arne Åbråten til NRK.

Han er arrangementssjef for den norske hoppveka, som skal skilje seg markert ut frå den tradisjonelle hoppveka i Tyskland og Austerrike ved kvart årsskifte.

Detaljane i konseptet blir presentert for hoppkomiteen i FIS i Zürich i dag.

– Det krev at vi leverer på øvste nivå når det gjeld logistikk, seier Åbråten til NRK.

Ekstrem sesongavslutning

Men turneringa betyr også eit ekstremt krav til hopparane i siste del av sesongen:

Fannemel til verdensrekord

AVSLUTNINGA: Rekordbakken i Vikersund, der Anders Fannemel sette verdsrekord med 251,5 meter i 2015, blir den tøffe avslutninga på verdas tøffaste hoppkonkurranse

Foto: Grøtt, Vegard Wivestad / NTB scanpix

I midten av februar skal dei på Asia-turne med verdscup i Sapporo og Pyeongchang – sistnemnde blir også «prøve-OL» – mange tidssoner unna.

Så er det VM i Lahti.

Og berre seks dagar etter siste VM-hopprennet, er det start for Raw Air.

– Blir det i overkant?

– Det skal vi finne ut. Ingen skihoppar har vore med på noko slikt før. Men det blir ei utfordring rett etter VM. Nokre er glade, nokre er skuffa etter Lahti, seier Stöckl.

Anders Fannemel ser frem til en tøff konkurranse.

– Det er litt spesielt å ha skiflyging dei siste tre dagane av ein sånn konkurranse. Det er ingen av oss som har prøvd noko liknande før, så det blir spennande. Eg trur kroppen skal tåle det, men det spørs om hovudet gjer det, smiler han.

Siste nytt

  • Eikeri røk ut i US Open-kvaliken

    Ulrikke Eikeri tapte i to strake sett mot nederlandske Bibiane Schoofs i sin kvalifiseringskamp til US Open.

    – Jeg er litt skuffet. Jeg føler jeg har sjansen i dag, men får det ikke helt til. Det blir litt mye feil, sa Eikeri til Eurosport etter kampen.

    Ulrikke Eikeri
    Foto: Vegard Wivestad Grøtt / NTB scanpix
  • Bodø/Glimt tok viktig poeng

    Nordlendingane klarte ikkje ta tilbake tabelltoppen, då laget spelte 1-1 borte mot Sarpsborg 08. Laget har dermed likt poeng med serieleiar Molde, men dårlegare målforskjell. Kristoffer Zachariassen sørga for 1-0 til heimelaget, men sju minutt før full tid utlikna Ulrik Saltnes for Glimt.

    Eliteserien i fotball 2019 Sarpsborg 08 - Bodø/Glimt
    Foto: Christoffer Andersen / NTB scanpix
  • Neerland gir seg som Molde-direktør

    Øystein Neerland sluttar som sjef for Molde Fotball ved årsskiftet, melder klubben. 55-åringen har vore direktør i klubben sidan 2015. Som fotballspelar har han 120 kampar og 35 mål for klubben. Styret er i gang med å finne Neerland sin erstattar.

    Nerland
    Foto: Svein Ove Ekornesvåg / NTB scanpix

Sendeplan

Kl. Program Kanal