Ragnhild Mowinckel med karrierebeste

Tre fattige hundredelar var alt som skilde Ragnhild Mowinckel (25) frå sin fyrste verdscupsiger i tysdagens storslalåmrenn.

RAGNHILD MOWINCKEL: Køyrde inn til sin andre pallplass i karrieren.

Laster innhold, vennligst vent..

For fyrste gong i karrieren stod Ragnhild Mowinckel åleine att på toppen i eit verdscuprenn.

Nedover løypa leia Mowinckel heile veigen, og ved siste passering var ho 21 hundredelar framfor tyske Viktoria Rebensburg.

Men frå siste passering og inn til mål tapte Mowinckel tid, og i mål var ho tre fattige hundredelar frå sin fyrste verdscupsiger. Mowinckel var likevel hoppande glad i målområdet for andreplassen.

– Eg stolar mykje meir på meg sjølv og måten eg køyrer på, og det gjev tydelegvis resultat, seier Ragnhild Mowinckel etter andreplassen.

– Uvant situasjon

Då alle dei andre kvinnene hadde køyrd og Viktoria Rebensburg leia i mål, sto 25-åringen åleine att på toppen. Det tykte ho var ein spesiell situasjon.

– Det er jo ein uvant situasjon å stå att åleine på toppen. Men akkurat i dag hadde eg berre lyst til køyre fort, og då er det eitt feitt om ein køyrer fyrst eller sist. Så i dag tenkte eg at eg berre skulle gje gass, og det er den innstillinga eg prøver å køyre med for tida, seier 25-åringen.

Verdscuprennet i Kronplatz vart nok ein opptur for Mowinckel, sidan dette berre var andre gong ho er på pallen i eit verdscuprenn.

Fyrste gong det skjedde var i franske Val-d'Isère like før jul. Det var fyrste gong ei norsk kvinne har vore på pallen i eit fartsrenn i verdscupen på 18 år.

Mest glad i storslalåm

– For ei gjennomføring av Ragnhild Mowinckel. Ho går på akkurat som i fyrste omgang, men i mellompartiet bikkar ho litt inn i nokre svingar, seier NRKs ekspertkommentator Lars Elton Myhre.

No har Mowinckel kome på pallen i både storslalåm og super-G. Og sjølv om pallplassen i Val-d'Isère i super-G før jul var etterlengta, er ho mest glad i storslalåm.

– Akkurat no er eg like god i storslalåm og super-G. Men det er storslalåm som kanskje ligg meg nærast for det er der eg har hatt best resultat over tid. Men no skal eg berre køyre på med det eg gjer, for ein ser jo i dag at det fungerer, seier Mowinckel.

Skiing - Ladies' Alpine Giant Slalom

JUBLA: Ragnhild Mowinckel jubla for karrierens andre pallplass.

Foto: Stefano Rellandini / Reuters

Storfavoritten køyrde ut

Mikaela Shiffrin er favoritt i alle renn ho stiller opp i. Men i dagens renn lykkast det ikkje for superstjerna.

Den amerikanske 22-åringen kom på innerski og sklei ut av løypa. Det same gjorde ho då dei køyrde super-G i Cortina på søndag.

Nina Haver-Løseth låg på 19.-plass etter fyrste omgang.

I finaleomgangen køyrde ho godt, og ho enda på 13.-plass i konkurransen. Kristin Lysdahl og Kristine Haugen var au i finaleomgangen. Dei enda på høvesvis 25.-plass og 28.-plass i storslalåmrennet i Italia.

Sportsnyheter

Tokyo Olympics Athletics

OL-drama for Iuel – full forvirring i semifinalen: – Jeg reagerte på et eller annet

Først falt Amalie Iuel under oppvarmingen. Så tjuvstartet hun, men fikk likevel starte semifinalen. 27-åringen kom inn på sisteplass, og resultatlista viste først at hun var diskvalifisert. Det ble endret.

Siste nytt

  • Forsvararar mest utsett for demens

    Forsvarsspelarar har endå større risiko for demens og andre nevropatiske seinskadar etter karrieren enn andre utespelarar. Men tryggast er det å vere keeper.

    Det går fram av ein studie frå University of Glasgow. Forskarane der har kome til denne konklusjonen etter å ha granska ei rekke tidlegare profesjonelle spelarar.

    Granskinga styrkjer resultata frå tidlegare forsking, som viser ein klar samanheng mellom demens og fotballheadingar.

    Risikoen for målvakter er omtrent som gjennomsnittet i folket. Men for utespelarar er risikoen fire gonger så høg, og for forsvarsspelarar fem gonger, viser undersøkinga.

    Risikoen aukar også med lengda på karrieren.

    – I motsetnad til andre former for slike sjukdomar, veit vi no årsaka. Derfor kan vi også hindre det, seier nevropat og professor Willie Stewart.

    Og kjem med ein brannfakkel:

    – Er heading absolutt nødvendig i fotballen i i framstida? Eller sagt på ein annan måte: Er eksponerting av demens absolutt nødvendig for fotball, eller kan ei anna form for fotballkamp bli vurdert?

    – Vi er komne så langt i å finne årsakene at vi snart bør selje fotballar med helsevarsel: Gjentekne headingar av ein fotball kan gi auka risiko for demens, seier professoren.

    Heading, fotball
    Foto: Franck Fife / AFP
  • Klepp-trenaren går av

    Nick Loftus er ferdig som hovudtrenar for Klepp i Toppserien. Han trekkjer seg etter ein hittil svak 2021-sesong.

    Klepp er nummer ni på tabellen berre eitt poeng over direkte nedrykksplass.

    – Det er tøft, men det var best for alle å gå vidare. Det har vore ein tøff periode for klubben med svake resultat, og fotball er drive av resultat. Eg er skuffa over korleis det har gått. Som trenar ønskjer du å dra på ein god måte, seier Loftus til Stavanger Aftenblad.

    For berre ei veke sidan fekk skotten fornya tillit frå Klepp-styret. Loftus var assistent under Ollie Harder då rogalendingane tok sølv i 2018 og bronse i 2019, og han fekk hovudansvaret før 2020-sesongen.

    Nick Loftus
    Foto: Carina Johansen / NTB
  • Tidlegkamp for handballkvinnene

    Noregs kvartfinalemøte med Ungarn blir her heime tidleg onsdagsunderhaldning. OL-kampen får avkast klokka 06.15 norsk tid – 13.15 lokalt.

    Til no i leikane har ikkje handballjentene spelt tidlegare enn 09.15 norsk tid. Dei vann alle dei fem gruppekampane sine.

    Dette er norske tider for OL-kvartfinalane:

    02.30: Montenegro – ROC (russisk lag)

    06.15: Noreg – Ungarn

    10.00: Sverige – Sør-Korea

    13.45: Frankrike – Nederland

    Noreg møter vinnaren av Montenegro – ROC i ein eventuell semifinale.

    Kristine Breistøl
    Foto: Sergei Grits / AP

Sendeplan

Kl. Program Kanal