NRK Meny
Normal

Norges største stjerne måtte av mot sin vilje

ROTTERDAM (NRK): Caroline Graham Hansen var tydeleg misfornøgd da ho blei bytta ut ein halvtime før slutt da Norge trengte storscoraren som mest. – Utruleg skuffande, seier spissen.

Graham Hansen på graset

SKUFFA: Caroline Graham Hansen fekk ikkje vere på banen da Norge jakta målet som skulle ta dei til OL i Rio.

Foto: Roald, Berit / NTB scanpix

Den avgjerande OL-kvalifiseringskampen mellom Norge og Sveits stod og vippa etter ein time spelt. Caroline Graham Hansen sendte Norge i føringa, men sveitsarane kom tilbake og utlikna etter ein halvtime. Nå måtte Norge ha mål skulle OL vere mogleg.

Da blei Norges farlegaste angripar tatt av banen.

– Ikkje forsvarleg

– Det var det eg fekk lov til å spele i dag. Det er utruleg skuffande å gå av når kampen står og vippar og ein veit at ein kan hjelpe laget meir, seier Hansen til NRK.

Grunnen var ein kneskade 21-åringen har slite med i lengre tid. Derfor var det på førehand bestemt at ho ikkje skulle få spele meir enn 60 minutt.

– Eg har ein fysisk tilstand som gjer at det ikkje var forsvarleg å fortsette, så da blei det slik.

– Om det var opp til deg, hadde du spelt 90 minutt i dag?

– Ja, det hadde eg, svarar Graham Hansen kontant.

– Tolte ikkje meir

Landslagstrenar Roger Finjord fortel at det i heile teke var usikkert om Hansen skule spele kveldens kamp mot Sveits i Rotterdam.

– Ho er framleis i opptrening, og det var bestemt på førehand at ho skulle spele 60 minutt. Det var også det kneet kneet til Caroline tolte i dag, for når ho gjekk av i dag hadde ho fått nok, seier Finjord.

– Men er ikkje dette ein kamp kor ein må utnytte dei største stjernene maksimalt?

– Jo, ein må definitvt utnytte dei så langt det lar seg gjere i forhold til det medisinske. Dette er ikkje berre snakk eit overtråkk, men ein skummel kneskade.

Sverige tok den eine OL-plassen etter at dei spelte uavgjort mot Nederland. Dermed blir det for andre gong på rad eit OL-sluttspel utan norske fotballkvinner.

– Me er frykteleg nære og det gjer det sinnsjukt surt at me ikkje klarer det, seier Caroline Graham Hansen.

Siste nytt

  • Overtar som tysk landslagssjef

    Martina Voss-Tecklenburg blir ny landslagssjef for Tysklands kvinnelandslag i fotball. 50-åringen har fått kontrakt til 2021. Voss-Tecklenburg har hatt stor suksess med det sveitsiske landslaget og er i ferd med å føre det til VM-sluttspill. Den jobben skal hun fullføre før hun i høst overtar Tyskland.

  • Gerrard kan bli Rangers-manager

    Tidligere Liverpool-kaptein Steven Gerrard kan være på vei mot sin første managerjobb. Han er ifølge britiske medier blant de mest aktuelle kandidatene til å overta Rangers.

    SOCCER-ENGLAND-LIV-WLV/
    Foto: Phil Noble / Reuters

Sendeplan

Kl. Program Kanal