NRK Meny
Normal

Lyon-Andrea: – Følte meg frosen ut av klubben

KLEPP (NRK): Toppserieklubben Klepp meinte supertalentet Andrea Norheim ville bli ein nøkkelspelar denne sesongen. Men etter at Lyon blei interessert har 17-åringen ikkje fått starte ein einaste seriekamp.

Andrea Norheim

TØFT: Andrea Norheim synest den siste tida i Klepp har vore tøff.

Foto: Stine Løvmo Lie / NRK

– Ho er sterk fysisk, og er god med begge bein.

Klepp-trenar Jon Palmason er full av lovord om den Lyon-klare spissen Andrea Norheim. Likevel har ikkje 17-åringen spelt ein einaste seriekamp frå start denne sesongen.

Ikkje spelt frå start

– Det har jo vore litt tøft å ikkje kunne starte, eg har følt at eg fotballmessig hadde fortent det, seier Norheim.

Hovudpersonen sjølv gjekk måndag gjennom legesjekk hos meisterligavinnar Lyon. I fjor spelte 17-åringen 17 av 22 toppseriekampar for Klepp, og blei sett på som ein nøkkelspelar inn mot sesongen.

Andrea Norheim i Lyon

LYON-KLAR: Berre ein formalitet frå FIFA gjenstår før Andrea Norheim er heilt klar for Lyon.

Foto: Privat

Men etter at ho kom heim frå prøvespel i Lyon i februar, har spissen knapt blitt brukt.

– Me såg trudde ho ville bli ei av dei viktigaste spelarane denne sesongen, men så opna det seg andre moglegheiter og det er me glade for. Samtidig er det trist, for hadde ho ville blitt verande i klubben, ville ho vore eit viktig bidrag for oss denne sesongen, seier sportsleg leiar i klubben, Tor Åge Risnes.

Norheim sjølv synest vurderinga er spesiell.

– Hadde eg vore trenar så hadde eg brukt dei beste spelarane for å vinne kampar.

– Og du er ei av dei?

– Ja, det meiner eg iallfall, seier spissen.

Trenar Palmason veit ikkje om han er einig.

– Me har 15-16 spelarar. Eg veit ikkje om ho er best, eller nummer åtte eller ni. Slik har eg aldri tenkt, seier Palmason.

Andrea Norheim

TRENT MED GUTTA: Før U17-EM har Andrea Norheim trent med guttelaget til Bryne.

Foto: Stine Løvmo Lie / NRK

Gått utover utviklinga

Sjølv om Norheim ikkje fekk spele i Toppserien, brukte ikkje Europas beste lag denne sesongen lang tid på å bestemme seg.

– Eg var der på prøvespel og trente to dagar med dei. Så sa dei at dei ville signere meg.

Starten av sesongen mista Norheim sidan ho representerte Noreg i U17-EM, i tillegg til ein ferie som var avklart med klubben.

– I starten av sesongen var ho ikkje tilgjengeleg. Ho var også borte på EM og dermed prioriterte me ikkje å bruke ho, seier Risnes som meiner fråveret er grunnen til at Norheim ikkje har spelt.

Even Pellerud, fagsjef for aldersbestemte jentelandslag, meiner konflikten mellom Norheim og klubben har gått på bekostning av 17-åringens treningskvardag.

– Den har jo i år blitt prega av ein ganske langvarig konflikt mellom to partar, seier Pellerud.

Norheim sjølv er sikker på at det er utanomsportslege grunnar til at ho ikkje har fått spele.

– Ja, absolutt, svarar ho kontant.

– Blir du fryst ut?

– Eg føler eg ikkje blir fryst ut på trening, men frå laget føler eg at eg blir utfryst, seier 17-åringen.

Det kjenner ikkje trenar Palmason seg igjen i.

– Ingen er utfryst av Klepp.

Siste nytt

  • Norge holdt liv i håpet

    Norges U19-gutter snudde til 3-2 med to sene mål av Erik Botheim og Christian Borchgrevink mot Finland. Jens Hauge sendte først Norge i ledelsen.

    Dermed er Norge på tredjeplass i EM-gruppen, bak Portugal på målforskjell etter at de tapte 2-3 mot gruppeleder Italia, som Norge møter søndag.

  • Sarpsborg på cruise-kontroll

    Sarpsborg tok seg enkelt videre til andre kvalifiseringsrunde i Europaligaen etter 2-0(1-0) over IBV Vestmannaeyjar (Island). Sammenlagt ble det 6-0.

    Mikkel Agger scoret begge målene foran 3552 tilskuere.

    Europa League, Sarpsborg 08 - IBV ( Island).
    Foto: Terje Bendiksby / NTB scanpix
  • Nibali sendt til sykehus

    Tidligere Tour de France-vinner Vincenzo Nibali ble torsdag sendt til sykehus med mulig brudd i en ryggvirvel etter et sammenstøt med en politimotorsykkel. Uhellet skjedde mot slutten av torsdagens kongsetappe til Alpe d'Huez.

    Nibali
    Foto: Marco Bertorello / AFP

Sendeplan

Kl. Program Kanal
X Games Minneapolis -- Menn Skateboard Vertical Finale og Menn BMX Halfpipe Finale