Skeptisk til Lundbys val før OL-sesongen: – Eg vil seie at dette er gambling

Maren Lundby deltek i Skal vi danse i haust. Om ho går heile vegen til finalen, går ho ut av dansebobla så seint som tre månader før OL i Beijing.

VM på ski 2021 i Oberstdorf

NY UTFORDRING: Maren Lundby skal delta i Skal vi danse.

Foto: Terje Pedersen / NTB

– Eg veit at det er utradisjonelt, men likevel er vi (medisinsk og sportsleg apparat rundt hopplandslaget) samstemde om at det er ei veldig god løysing for meg med tanke på å komme opp på det nivået eg ønskjer, seier Lundby i ei melding.

Den regjerande olympiske meisteren i normalbakke sleit med skadar førre sesong og enda på åttandeplass i verdscupsamandraget. Derfor meiner ho at ho treng å gjere noko annleis i år.

– Planen er å ha tett oppfølging på trening på Olympiatoppen i Oslo. Samtidig har eg fått tilrådd å utfordre kroppen i andre aktivitetar som eg ikkje er så vann med. Derfor passa eigentleg opplegget i Skal vi danse som hand i hanske for min del i år, seier Lundby.

Remen Evensen skeptisk

NRKs hoppekspert ,Johan Remen Evensen, vil ikkje sage ideen allereie no, men han vedgår at han er skeptisk.

– Toppidrett er brutalt og krev mykje. Men om dei har ein teori om at dette skal styrkje henne til vinteren, så har dei sikkert tenkt at dette lèt seg gjere. Men eg stussa litt då eg las det. Eg gler meg til å sjå henne danse, men ho kunne kanskje venta til karrieren er over, seier Remen Evensen.

– Er dette gambling?

– Ja, det vil eg seie. Ein har ikkje så mange aktive idrettsutøvarar som er med i Skal vi danse, og som kan dokumentere at det gir positiv effekt, seier han.

Johan Remen Evensen er nrks ekspertkommentator i hopp og er tilstede under hele hoppuka.

SKEPTISK: Johan Remen Evensen synest deltakinga i Skal vi danse er gambling.

Foto: Terje Bendiksby / NTB

Rundt tre månader før OL skal ho altså fokusere på både dans og hopp. Det fryktar NRK-eksperten kan bli mykje.

– Det høyrest veldig hektisk ut. Det er opp til henne kor mykje ho legg i det. Ho tenkjer kanskje at ho har overskot og energi til dette. Ho har sagt at ho skal prioritere fysikk i større grad, og dansinga er sikkert beinhard og kan fungere sånn sett, seier Remen Evensen.

Ser fellesnemnarar med hopping

NRKs hoppekspert, Anders Jacobsen, meiner det er eit spesielt val og at det er vanskeleg å gi noko konkret svar på om dette er lurt.

– Det er utradisjonelt. Eg vil tru det har vore ein god dialog rundt det, og at ho får normal trening òg, for det er viktig. Det kan vere ein fin måte å kople av frå den vanlege kvardagen som toppidrettsutøvar, meiner eksperten.

Anders Jacobsen

STØTTAR LUNDBY: Anders Jacobsen trur kombinasjonen dans og hopp kan vere smart.

Foto: Cornelius Poppe / NTB

Eksperten deltok sjølv i dansekonkurransen for nokre år sidan. Han trur ikkje dette nødvendigvis vil vere negativt for hoppinga.

– Eg kan jo snakke av erfaring, eg har vore med sjølv. Og det er mange timar med trening, men det er mange fellesnemnarar med hopping, som til dømes det med timing, seier Jacobsen.

Trur Lundby vil lykkast

Det er berre nokre få veker sidan Lundby bestemde seg for å droppe å delta i sommarhopprenn i år. Vinnaroppskrifta før OL-sesongen skulle vere å hoppe mindre.

Hoppsjef Clas Brede Bråthen trur dette er fornuftig av Lundby.

– At det er eit utradisjonelt og annleis opplegg er nok heva over all tvil, men ekstreme historier blir stort sett skapt av menneske som er i stand til å gjere ting annleis enn resten, seier Bråthen.

– Eg har aldri opplevd ein utøvar som har vore meir dedikert og gjort fleire gjennomtenkte val enn det eg veit Maren har gjort. Dette har ført til at ho er den mestvinnande skihopparen vår gjennom tidene, legg han til.

Siste nytt

  • Ledet New York City til finale

    Ronny Deila er én finalekamp unna å gjøre New York City til MLS-mester i fotball. Søndag ble det 2-1-seier mot et hardt koronarammet Philadelphia Union.

    Talles Magno avgjorde semifinalen med sin matchvinnerscoring i det 88. minutt. Dermed vant Deilas lag den østlige avdelingen i MLS-sluttspillet, og førstkommende søndag kan New York City krone det med en tittel i finalen mot Portland Timbers.

    Det var målløst til pause, men etter litt over en time tok Philadelphia Union ledelsen etter Alexander Callens' selvmål. To minutter senere utlignet Maxi Moralez.

    Eliteserien fotball Vålerenga - Brann. 1-0
    Foto: Berit Roald / NTB
  • Lorentzen nære verdenscuppallen

    Håvard Holmefjord Lorentzen har hatt en tung sesongstart, men søndag kviknet han til med fjerdeplass på 1000 meter i verdenscupen på skøyter i Salt Lake City.

    Bergenseren klokket inn til 1.07,00 og endte fire hundredeler bak Hein Otterspeer på tredjeplass. Pallen besto bare av nederlandske løpere. Thomas Krol vant foran Kjeld Nuis med tiden 1.06,44.

    Prestasjonen er en opptur for Lorentzen. Inntil søndag hadde 29-åringen denne sesongen vært langt unna de beste. For to uker siden ble han bare nummer 14 på 1000-meteren i Stavanger.

    Lorentzen tok i 2018 OL-sølv på distansen, mens han ble mester på 500 meter.

    World Cup Skøyter
    Foto: CARINA JOHANSEN / NTB
  • Utforrenn avlyst grunnet sterk vind

    Verdenscuprennet i utfor for herrer er avlyst på grunn av sterk vind. Rennet ble utsatt tre ganger, før juryen kl. 21 fattet en endelig avgjørelse om å avlyse rennet.

    Aleksander Aamodt Kilde var favoritt før søndagens utfor etter at han vant både fredagens super-G og lørdagens utfor, og kunne dermed tatt sin tredje verdenscupseier på rad. Søndagens avlysning gjør at det ikke er mulig.

    WCUP Mens Downhill Skiing
    Foto: Robert F. Bukaty / AP

Sendeplan

Kl. Program Kanal