NRK Meny
Normal

Kristoffersen om Ligetys suverene triumf: – Heimebanefordel

BEAVER CREEK (NRK): At amerikanske Ted Ligety (31) knuste resten av verdseliten i storslalåm er ikkje tilfeldig, meiner alpinstjerna Henrik Kristoffersen.

Kristoffersen

IKKJE OVERRASKA: Henrik Kristoffersen om Ted Ligetys VM-triumf.

Foto: Poppe, Cornelius / NTB scanpix

Amerikanaren frå Salt Lake City blei den store folkehelten då han sikra seg nok eit storslalåmgull i VM i går.

I europeiske og amerikanske medier hagla superlativa.

Men norske Henrik Kristoffersen var ikkje like imponert.

– Heimebanefordel, seier Kristoffersen, som køyrte inn til 13.-plass i storslalåmrennet i går.

Ligety tok sitt tredje strake VM-gull i storslalåm, og USAs første i årets VM.

Amerikanaren vann med 45 hundredelar. Det hadde han ikkje klart om konkurransen hadde gått i Europa, meiner Kristoffersen.

– Hadde ikkje gått i Schladming

Ted Ligety

SUVEREN PÅ HEIMEBANE: Ted Ligety.

Foto: FRANCIS BOMPARD / Afp

Då hadde forholda vore likare for alle, seier 20-åringen.

'– Alle i dette konkurransefeltet køyrer såpass mykje i Europa. Der hadde konkurransen vore tettare.

– Om vi hadde køyrt i Schladming, som er heimebanen til Marcel Hirscher, hadde ikkje heimebanefordel betydd i nærleiken av så mykje som det det gjør her borte, seier Kristoffersen.

Få i verdscupsirkuset kjenner løypa i Beaver Creek bedre enn storslalåmlegenda Ted Ligety.

Og ingen annan fekk høgare jubel på veg mot mål. Med høgast fart av alle susa Ligety over målstreken og inn til eit ellevilt folkehav på heimebane.

Norges store teknikk-stjerne er sikker på at amerikanaren har store fordelar av å køyre på snøen i Beaver Creek, som er av ein annan type enn den dei konkurrerer på i Europa.

Også utforminga av bakken er annleis, fortel Kristoffersen.

– Eg synst ikkje det er så stor forskjell på snøen her og mange andre stader, men mange andre meiner det. Bakken er ganske speisell.

– Han fortener å vinne fordi han køyrer raskast, men resultatet hadde sett heilt annleis ut om det var i ein annan bakke, seier Kristoffersen.

Ligetys største

Ligety set den suverene triumfen øvst av alle.

– Dette gullet betyr kanskje mest av alle fordi eg har kjempa så hardt for å komme tilbake til toppen. I 2013 vann eg alt, så tok dei andre meg igjen. No var eg usikker på om eg skulle klare det, seier Ligety.

Siste nytt

  • Besiktas sikret gruppeseieren

    Felipe ga Porto ledelsen borte mot Besiktas i mesterligaen, men Talisca berget 1-1 og dermed gruppeseier i gruppe G for det tyrkiske storlaget én kamp før slutt. Spartak Moskva så ut til å vinne mot Maribor, men bunnlaget i gruppe E klarte 1-1.

    Besiktas
    Foto: Ozan Kose / AFP
  • Tari leder junior-VM i sjakk

    Den norske sjakkspilleren Aryan Tari leder junior-VM i sjakk etter at 8 av 11 runder er unnagjort. Tirsdag slo han russeren Grigorij Oparin med svarte brikker. 18-åringen fra Lier står med seks seire og to remis så langt.

    Aryan Tari
    Foto: Tarjei J. Svensen / Sjakkbloggen.no
  • Zlatan på benken fra start

    Zlatan Ibrahimovic starter ikke onsdagens mesterligakamp mot Basel, men får en plass på benken. Det bekreftet manager José Mourinho på en pressekonferanse tirsdag.

    – Han er ikke klar for å starte ennå, sier han.

    Zlatan Ibrahimovic
    Foto: ANDREW YATES / Reuters

Sendeplan

Kl. Program Kanal
Vi er landslaget - fra gutter til menn