Hopp til innhold

Utøvarar i ordkrig etter krasj: – Håplaus manøver

Det var høg temperatur under langrennssprinten på Lillehammer. Briten James Clugnet krasja i Erik Valnes i kvartfinalen, og no fyrer både utøvarane og ekspertane.

Verdenscup i nordiske grener på Lillehammer

Sjå situasjonen her.

– Slik kan ikkje James Clugnet gå. Om og om igjen gjer han feil undervegs. Det er ein håplaus manøver av briten, seier NRKs ekspert Torgeir Bjørn etter at Clugnet kom for tett på Erik Valnes i siste sving før oppløpet.

Clugnet gjekk i bakken, og eine staven brakk. Då slo han oppgitt med armane, og var tydeleg irritert på nordmannen som kom seg heilskinna i mål, og vidare til semifinalen som nummer to.

Johannes Høsflot Klæbo vann sprinten oppskriftsmessig. Italienske Federico Pellegrino blei nummer to, medan Even Northug blei nummer tre.

Forbanna

Etter kvartfinalen møtte Clugnet NRK i pressesona, og han var irritert.

Verdenscup i nordiske grener på Lillehammer

SKUFFA: Britiske James Clugnet.

Foto: Heiko Junge / NTB

– Det er så kjedeleg. Eg følte meg så bra, eg har nesten aldri følt meg så bra. Det er ikkje ofte det er folk frå Storbritannia som går fort på ski, så det er kjedeleg at eg ikkje går vidare, seier han.

Briten meiner at Valnes hadde all skuld i at han gjekk i bakken.

– Ja, eg tykkjer det. Eg tykkjer ikkje det var min feil, men vi får sjå på bileta og sjå kva juryen seier. Når du er i konkurranse er det lett å føle at det er andre folk sin feil, men vi får sjå, seier han.

Fyrer tilbake

Erik Valnes, som feila i å ta seg vidare frå semifinalen, er ikkje einig i James Clugnet sin vurdering av situasjonen.

– Eg visste at det var viktig at eg fekk den linja. Eg meiner at eg ikkje skal trenge å bremse. Det var klønete av han, synest eg, seier Valnes til NRK.

Verdenscup i nordiske grener på Lillehammer

KLØNETE: Valnes meiner Clugnet var klønete.

Foto: Heiko Junge / NTB

Han meiner at ingen treng å bli straffa for situasjonen som oppstod, men at Clugnet nok bør tenkje over korleis han vurderer ulike situasjonar.

– Det er ikkje disk på nokon, det er jo ikkje det. Det er slikt som skjer, men du ser at Johannes Klæbo og dei som er der framme heile tida, dei hamnar aldri i slike situasjonar, seier Valnes.

Ekspertane i heit diskusjon

NRKs langrennsekspert Fredrik Aukland kan skjønne at Clugnet meiner det var Valnes sin feil.

– Spørsmålet er om Valnes rett og slett kom bakfrå. Det kan bli ein fin jurysak, for dei går såpass tett på kvarandre. Clugnet gjekk inn på skia til Valnes, det er heilt klart, men eg meiner Valnes kjem bakfrå i den situasjonen, seier Aukland i NRKs radiosending.

Det tykkjer ikkje NRK-ekspert Torgeir Bjørn.

– Men samstundes så held ikkje briten seg inne på lista, og han er først, og har valt linja over svingen der. Det er ein liten nøtt, seier han.

NRKs kommentator Jann Post følgjer opp:

– Han kom seg aldri forbi Valnes, så han var på innersida heile vegen, seier Post.

– Ja, han var det. Eg meiner Valnes må stå imot eventuelle protestar der, seier Bjørn.

Verdenscup i nordiske grener på Lillehammer

FALL: Clugnet på bakken i siste sving.

Foto: Geir Olsen / NTB

Fleire sinte utøvarar

Juryen måtte tidlegare i konkurransen dele ut ein munnleg åtvaring til Thomas Helland Larsen, som dytta til ein konkurrent.

Og på kvinnesida var det ein svært oppgitt Amalie Håkonsen Ous, som fekk kvartfinalen øydelagd etter å ha blitt pressa av sveitsiske Lea Fischer i ein sving.

Verdenscup i nordiske grener på Lillehammer

TRIST: Amalie Håkonsen Ous.

Foto: Heiko Junge / NTB

– Ho går veldig stressa, og går oppå meg inst i svingen. Kva kan eg gjere? Eg kan ikkje gå ut av løypa, seier Håkonsen Ous til NRK.

– Føler du at ho pressar deg ut?

– Ja, ho gjer jo det. Det er jo slik det er i sprint, men du kan ikkje gå oppå folk. Det kan du ikkje gjere.

Ho er ekstremt skuffa etter å ha fått spolert ein ypparleg sjanse i verdscupen på den måten.

– Kroppen kjennest veldig bra, og det er det som er så surt. Eg kunne kjempa mot Tiril Udnes Weng og Emma Ribom på slutten. Eg veit eg er god på slutten på denne sletta her. At eg ikkje får vist meg fram er kjempesurt og trist, rett og slett, seier Håkonsen Ous.

Tiril Udnes Weng blei nummer tre på sprinten, bak svenskane Emma Ribom på førsteplass, og Maja Dahlqvist på andreplass.

Siste nytt

  • Sportssjef Joacim Jonsson irettesatt av Vålerenga etter intervju

    Vålerengas sportsdirektør Joacim Jonsson vekket oppsikt da han gikk hardt ut mot klubbens egen spiss, Mees Rijks, i pausen under kampen mellom Lyn og Vålerenga lørdag.

    Rijks ble utvist etter å ha pådratt seg to gule kort.

    – Det er fullstendig utilgivelig av Mees Rijks. Det finnes ingen unnskyldninger. Du setter lagkameratene i en helvetes situasjon, sa Jonsson til TV 2 lørdag.

    Svensken beklaget uttalelsene sine overfor Vålerenga-spillerne i garderoben etter kampen.

    Mandag forteller daglig leder i Vålerenga, Svein Graff, at han og Jonsson har hatt et møte.

    – Tid, sted og formen for offentlig kritikk av egen spiller på den måten er feil og dårlig håndtert. «Jocke» har beklaget overfor spillergruppa og i media. Det er bra og nødvendig. Jeg har hatt møte med Jokke og han har fått en irettesettelse, sier Graff til VG.

    Graff opplyser at saken ikke vil få ytterligere konsekvenser for Jonsson.

    Joacim Jonsson
    Foto: Geir Olsen / NTB
  • Djokovic dropper Madrid Open – en rival mindre for Ruud

    Novak Djokovic (36) stiller ikke i Madrid Open. Det kan gi Casper Ruud lettere vei mot suksess i storturneringen i tennis.

    Djokovic har ikke spilt siden verdenseneren tapte for Ruud i semifinalen i Monte-Carlo Masters for litt over en uke siden.

    Serberen var ikke en del av mandagens trekning for ATP Masters1000-turneringen i Madrid. Der har han tidligere vunnet tittelen tre ganger (senest i 2016).

    Ruud er femteseedet og går rett til 2. runde. Der møter han vinneren av oppgjøret mellom Zhang Zhizhen fra Kina (49 i verden) og serbiske Miomir Kecmanovic (66). (NTB)

    Monaco Monte Carlo Tennis Masters
    Foto: Daniel Cole / AP
  • Tønnesen takker nei til landslagsspill

    Kent Robin Tønnesen (32) gjør seg uaktuell for det norske håndballandslaget framover.

    Det opplyser landslagssjef Jonas Wille i forbindelse med uttaket av troppen til en storturnering på Jordal i Oslo neste måned.

    – Kent Robin har forklart meg at han takker nei til landslag i perioden fremover av hensyn til totalbelastningen. Vi har hatt god dialog, og jeg tar hans avgjørelse til etterretning i vår videre planlegging, sier Wille.

    Tønnesen spiller til daglig i franske Paris Saint-Germain. Der har han vært siden overgangen fra ungarske Szeged i fjor.

    På landslaget står Tønnesen med 339 mål på 137 kamper. Han har vært en del av Norge-miljøet siden 2010.

    I 2017 var han med på å ta VM-sølv. (NTB)

    Håndball-EM herrer 2024: Hovedrunden Norge - Danmark (23-29)
    Foto: Stian Lysberg Solum / NTB

Sendeplan

Kl. Program Kanal