Ingen La Liga-kamp i USA
Ein spansk rett har nekta La Liga å avvikle ein ligakamp i USA. Ligaen ville legge kampen mellom Villarreal og Atletico Madrid til Miami 6. desember, men fotballforbundet nekta, og saka enda i retten.
Men La Liga har anka, og anken skal behandlast i februar. Ligaen satsar derfor på å flytte ein kamp til USA seinare i sesongen.
Også i fjor blokkerte forbundet ligaspel i USA. Då var det Girona - Barcelona som var planlagd i Miami.
La Liga har ein 15-årig avtale med eit sponsorselskap om å promotere «soccer» med kampar i USA.
– Det er ein del av ein langsiktig plan for å vekse internasjonalt, heiter det i La Ligas komentar til rettsavgjerda i dag.