Ingen gullball i år
Magasinet France Football har bestemt seg for å droppe den tradisjonelle utdelinga av Ballon d'Or – Gullballen – i år. Årsaka er pandemien.
– Dette er ein så uvanleg sesong at vi kan ikkje gjere dette som normalt, seier redaktør Pascal Ferré til nyheitsbyrået AP.
Ballon d'Or er delt ut til den beste mannlege fotballspelaren i verda sidan 1956. I 2018 fekk også kvinnene sin pris, med Ada Hegerberg som den første vinnaren.
Men i år førte pandemien til to-tre månaders pause i klubbfotballen, tomme tribuner etter pausen, og utsetjing av både europaturneringane for klubblag, EM og Copa America. Derfor bestemte arangøren å avlyse.