NRK Meny
Normal

Her går det gale for den britiske rallyføraren

Walisiske Elfyn Evans fekk eit brutalt møte med Rally Portugal fredag. På den fjerde av seks fartsprøver gjekk det gale i ein sving, og rallybilen gjekk rundt – og rundt og rundt.

Britiske Elfyn Evans krasjet under Rally Portugal. Finske Mikko Hirvonen leder Rally Portugal.

Her går det gale i ein sving for Elfyn Evans i Rally Portugal. Bilen går rundt fleire gonger før han landar nedst i ein kort bakke.

Den 25 år gamle Ford-føraren var på veg ut av ein sving då det gjekk gale. Bilen fekk skrens, før både Evans og kartlesar Daniel Barritt låg opp ned.

Som ein ser i videoen øvst går det rundt heile tre gonger, før bilen til slutt stoppar opp like ved eit tre mange billengder ned ein skrent.

Når bilen først får landa er Evans og Barritt kjapt ute med å stadfeste at begge har det bra. Litt skaka, men utan fysiske skader.

Mads Østberg

Mads Østberg har framleis sjansar i Rally Portugal.

Foto: CITROEN RACING

Østberg på fjerdeplass

Rally Portugal er kjent som ein krevjande del av verdsmeisterskapen i rally. Etter andre dag var det finske Mikko Hirvonen som tok teten.

Hirvonen tok leiinga frå verdsmeister Sebastian Ogier på den siste av dei seks fartsprøvene. Hirvonen er 3,7 sekund framfor estiske Ott Tänak og 6,5 sekund framfor franske Ogier.

Mads Østberg er òg godt med etter fredagen. Han er 25,6 sekund bak finnen og ligg på ein førebels fjerdeplass.

Like bak nordmannen følgjer spanske Dani Sordo – som leia Rally Portugal etter tre fartsprøver.

Østberg: – Feil dekkval

Østberg sjølv omtalar dag to i Portugal som ein grei dag.

– Eg synest vi starta bra og kom oss gjennom dei vanskeleg forholda. Det var også bra i ettermiddag, men feil dekkval gjorde at vi tapte litt for mykje tid, sa Østberg ifølgje NTB.

Han seier at både han og teamet var overtydde om at harde dekk ville fungere best. Det gjorde det ikkje.

– Men det positive frå ettermiddagen er at vi heldt tilnærma likt tempo som Ogier, og han køyrde også på harde dekk.

Walisiske Evans var ikkje den einaste som kolliderte i Portugal. Østberg-kollega i Citroën, Kris Meeke, Matti Latvala og Robert Kubica måtte alle bryte rallyet etter krasj.

Solberg punkterte

Henning Solberg har blitt køyrt av og ligg på sjuandeplass etter sju av 16 fartsprøver – 1.42,3 bak Hirvonen. Han tapte om lag eit halvt minutt på grunn av ei punktering.

– Eg køyrde ganske fort i starten. Punkteringa kom på ei rett strekning, så eg veit ikkje kva som skjedde, sa han ifølgje rally-VM sin nettstad.

Den siste nordmannen i rallysirkuset, Andreas Mikkelsen, var nummer tre etter fartsprøva torsdag. Fredag gjekk det derimot ikkje like bra for Volkswagen-føraren.

Samanlagtfiraren er no nummer ni i Rally Portugal.

– Eg må byggje opp sjølvtilliten min igjen. Eg må bruke hovudet og gradvis køyre fortare, sa nordmannen som rulla rundt og måtte bryte Rally Mexico sist månad.

Siste nytt

  • Glassverket trekker elitelaget

    Håndballklubben Glassverket har spilt i eliteserien denne sesongen, men rykket ned og skulle i utgangspunktet spille i 1. divisjon neste sesong. Slik blir det likevel ikke, da forslaget om å trekke laget fikk flertall på tirsdagens årsmøte, skriver Drammens Tidende. Klubben ønsker å beholde lagene i andre- og fjerdedivsjon.

    Line Bjørnsen hos Glassverket
    Foto: Per Håkon Solberg / NRK
  • Sesongen trolig over for «Ox»

    Liverpool-spiller Alex Oxlade-Chamberlain ble båret ut av banen etter 18 minutter spill i mesterligasemifinalen mot Roma tirsdag. Til tross for 5-2-seier, var «Ox»' kneskade et skår i gleden for manager Jürgen Klopp.

    – Vi mistet en fantastisk spiller i kveld, sa Klopp etter kampen og fortalte at spilleren trolig er ute resten av sesongen.

    Britain Soccer Champions League
    Foto: Dave Thompson / AP
  • Panathinaikos utestengt

    Den greske klubben Panathinaikos er utestengd frå den neste europeiske turneringa dei kvalifiserer seg for dei tre neste sesongane, har UEFA bestemt.

    Årsaka er at dei ikkje har makta å få orden på økonomien, og har brote dei såkalla økonomisk fair play-reglane.

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
4-4-2 Eliteserien: Ranheim - Brann og Stabæk - Start
Mesterligaen: Semifinale Bayern München - Real Madrid