Glassverket slo kroatisk storlag - klare for meisterligaen for første gong

Etter ein forrykande andre omgang er Glassverket klar for verdas gjævaste klubbturnering for første gong, etter å ha slått kroatiske Podravka 28–19 i den avgjerande kvalifiseringskampen.

Line Bjørnsen

JUBEL: Line Bjørnsen scora sju mål for Glassverket i sigeren, her frå cupfinalen mot Larvik i 2015.

Foto: Nesvold, Jon Olav / NTB scanpix

– Det er veldig stort. Det er første gong Glassverket skal vera med i dette selskapet. I fjor var vi også i kvalifiseringa og klarte det ikkje, då var det herleg å klare det i år, seier trenar Geir Oustorp.

For kroatiske Podravka er ikkje kven som helst. Sidan 1993 har laget vunne 22 ligameisterskap og 21 cuptitlar i heimlandet, i tillegg vann dei meisterligaen i 1996.

– Det var jamt og stillinga var 12–12 til pause. Det siste kvarteret var vi veldig gode og det var til slutt ingen tvil om kven som var det beste laget, seier Oustorp.

I andre omgang scora Glassverket 16 mål, medan dei berre fekk sju i mot.

Knalltøff motstand

I gruppespelet møter dei tyske Thüringer, franske Metz og Buducnost frå Montenegro.

– Vi er veslesøster i dette selskapet, men vi får prøvd oss på eit n​ivå vi aldri har prøvd oss på før, seier Oustorp.

Cristina Neagu

VERDSSTJERNER: Rumenske Cristina Neagu er ei av jentene Glassverket skal måla seg mot. Ho speler til dagleg for Buducnost.

Foto: MARKO DJURICA / Reuters

For medan Glassverket speler andrefiolin i norsk handball, bak storlaget Larvik, er laga dei møter i gruppespelet av ein heilt annan kvalitet. Thüringer har vunne den tyske ligaen dei seks siste åra, Metz har 19 seriemeisterskap dei siste 27 åra, medan Buducnost har vunne serie og cup ti år på rad og gått til topps i meisterligaen i 2012 og 2015. I 2015 slo dei Larvik i finalen.

– Metz er eit ungt fransk lag så dei skal vi gje kamp. Dei to andre blir tøffe, men det vert kjekt å prøva oss mot dei beste, seier trenaren.

Ikkje økonomisk gullgruve

Om Rosenborg hadde tatt seg til meisterligaen tidlegare i sommar hadde millionane rulla inn på konto til fotballklubben. Slik vert det ikkje for Glassverket.

– Det er heller ei utgift, men får ein gode TV-avtalar og slik kan det gje litt inntekter for klubben. Det er ei heilt anna verd enn fotball, seier NRKs handballekspert, Øystein Havang.

På herresida er Elverum det einaste norske innslaget i meisterligaen.

Øystein Havang

NØGD: NRKs handballekspert, Øystein Havang, seier det er veldig bra for utviklinga av norsk handball at to lag er med i meisterligaen igjen.

Foto: Anders Skjerdingstad / NRK

Siste nytt

  • Sandbech vant slopestyle i USA

    Snowboardkjører Ståle Sandbech vant slopestylefinalen i det store stevnet i Breckenridge i Colorado søndag. Mons Røisland ble nummer tre. Amerikanske Chris Corning endte på plassen foran. Silje Norendal ble nummer seks i kvinnenes slopestyle.

    VINTER-OS 2018 SNOWBOARD
    Foto: Andreas Hillergren/TT / NTB scanpix
  • Nytt Messi-show for Barcelona

    Lionel Messi var strålende da Barcelona igjen skaffet seg luke på tabelltoppen i spansk fotball søndag. Messi scoret tre ganger og gjorde forarbeidet til de to øvrige målene i 5-0-seieren over Levante.

    Lionel Messi
    Foto: Jose Jordan / AFP
  • Zuccarello-assist da Rangers tapte

    Mats Zuccarello bidro med en ny målgivende pasning, men kunne ikke forhindre at New York Rangers røk 3-4 for Vegas Golden Knights i NHL søndag. Zuccarello fikk registrert målgivende pasning og dermed et målpoeng da Mika Zibanejad utliknet til 2-2.

    NHL: Buffalo Sabres at New York Rangers
    Foto: Danny Wild / Reuters

Sendeplan

Kl. Program Kanal