Etter at Chelsea-kaptein John Terry og Queens Park Rangers Anton Ferdinand var i tottane på kvarandre i Premier League-møtet 23. oktober, har Ferdinand fått drapstrugslar som følgje av episoden.
Terry blei etter kampen skulda for rasisme mot Rangers-spelaren etter studiar av videobilete, der det kunne sjå ut som han brukte rasehetsande skjellsord.
Detaljert drapsbrev
Saka er enno under etterforsking av Scotland Yard. Terry avviser at han hetsa Ferdinand.
Eit detaljert drapsbrev til Ferdinand har fått politiet til å uroe seg, skriv The Sun.
Ein talsperson for politiet i London stadfestast at eit brev som skal innehalde drapstrugslar, blei levert til QPRs kontor på Loftus Road fredag.
Har installert alarmar
Innhaldet i meldinga som blei overlevert klubben i førre veke, var så alarmerande at 26-åringen og hans nære familie fekk beskjed om å ta alle førehaldsreglar.
Ifølgje britiske medium skal fleire i familien ha installert alarmar som gjer at politiet kan rykke ut umiddelbart etter aktivering.