Krisemøte i FA etter Allardyce-avsløring

Det engelske fotballforbundet (FA) har krisemøte i føremiddag etter avsløringane om landslagssjef Sam Allardyces råd om korleis ein kan omgå transfer-reglane.

Sam Allardyce

AVSLØRT: Landslagssjef Sam Allardyce forklarte kor lett det er å omgå tredjeparts-reglane i spelarkontraktar. Her saman med FA-generalsekretær Martin Glenn

Foto: Tony O'Brien / Reuters

Ifølgje Daily Mirror kan møtet avgjere om Allardyce får sparken som landslagssjef, berre to månader etter at han fekk jobben. Sjølv skal han ha fortalt fleire personar som står han nær at han fryktar for å miste jobben.

Engelske bookmakerar har allereie teke til å ta imot veddemål på kven som etterfølgjer «Big Sam» som landslagssjef for England.

Allardyce er i trøbbel etter at han blei avslørt for å fortelje korleis ein kan omgå tredjeparts-forbodet i overgangsreglementet.

Han skal i august ha forhandla fram ein avtale verdt 400.000 pund og forklart det han trudde var ei gruppe asiatiske forretningsmenn korleis dei skulle omgå reglane som skal hindre tredjepartar i å delta i kjøp og sal av spelarar.

Vart filma i skjul

Reglane skal hindre at tredjepartar skal «eige» spelarar og deira økonomiske rettar for å sikre seg inntekter frå pengemaskina Premier League.

Dette er tidlegare skildra som reint slaveri, og vart forbode i England i 2008. FIFA følgde etter og forbaud dette på verdsbasis i fjor.

I to møte på til saman fire timar la Allardyce ut om kor lett det var å omgå desse reglane. Det siste av møta var så seint som i førre veke.

Men forretningsmennene var journalistar frå avisa The Telegraph. Dei filma i skjul forhandlingane, der Allardyce også kom med lite smigrande karakteristikkar av sin forgjengar Roy Hodgson.

– Eg veit om agentar som har gjort dette i mange år. Det er framleis mogeleg å omgå «dei latterlege reglane», sa den 61 år gamle landslagssjefen.

FA innleier gransking

Hans råd til forretningsmennene – altså Telegraph-journalistane – byggjer på dei enorme summane som ligg i overgangane i Premier League i dag.

Avisa skriv at dei har jobba med avsløring av korrupsjon i engelsk fotball i ti månader, altså sidan lenge før Allardyce blei landslagssjef. Det skjedde først etter EM i sommar, og han har leia laget i berre ein landskamp.

Historia blei kjend i går kveld. Fotballforbundet har allereie sett i gang gransking, og har bedt avisa om fleire detaljar, melder Sky Sports.

Englands fotballpresident Greg Clarke stadfestar dette overfor Daily Mail.

– Vi skal ikkje dra slutningar enno. Men vi må kome til botns i dette, seier han.

Siste nytt

  • Sandbech vant slopestyle i USA

    Snowboardkjører Ståle Sandbech vant slopestylefinalen i det store stevnet i Breckenridge i Colorado søndag. Mons Røisland ble nummer tre. Amerikanske Chris Corning endte på plassen foran. Silje Norendal ble nummer seks i kvinnenes slopestyle.

    VINTER-OS 2018 SNOWBOARD
    Foto: Andreas Hillergren/TT / NTB scanpix
  • Nytt Messi-show for Barcelona

    Lionel Messi var strålende da Barcelona igjen skaffet seg luke på tabelltoppen i spansk fotball søndag. Messi scoret tre ganger og gjorde forarbeidet til de to øvrige målene i 5-0-seieren over Levante.

    Lionel Messi
    Foto: Jose Jordan / AFP
  • Zuccarello-assist da Rangers tapte

    Mats Zuccarello bidro med en ny målgivende pasning, men kunne ikke forhindre at New York Rangers røk 3-4 for Vegas Golden Knights i NHL søndag. Zuccarello fikk registrert målgivende pasning og dermed et målpoeng da Mika Zibanejad utliknet til 2-2.

    NHL: Buffalo Sabres at New York Rangers
    Foto: Danny Wild / Reuters

Sendeplan

Kl. Program Kanal