Dei regjerande engelske seriemeistrane får den enklast moglege vegen til åttedelsfinale i meisterligaen denne sesongen.
Leicester skal møte FC Porte, Club Brugge og FC København. Det betyr at norske Ståle Solbakken skal bryne seg på Claudio Ranieris store overraskingslag.
Derimot må dei andre engelske storlaga belage seg på langt tøffare motstand
Møter gamleklubben
Pep Guardiola har fått ein god start på trenar-karrieren i Manchester City. Når dei skal ut i meisterligaen seinare i haust får han møte gamleklubben Barcelona. Spanjolen trente Barcelona mellom 2008 og 2012, og har sidan også trent Bayern München.
I tillegg til Barcelona, er også tyske Borussia Monchengladbach og skotske Celtic med i gruppa.
Også Arsenal må ut mot tøff motstand. Franske Paris Saint-Germain har vunne Ligue 1 fire år på rad. Dei møter også Basel og Ludogrets i gruppe A.
- Her finn du den fulle oversikta over årets grupper