NRK Meny
Normal

Dopinghøyring førte til full krangel: Maratondronning rasar etter politikar-tabbe

Politikaren som forsnakka seg slaktar britiske journalistar.

Britain London Marathon

STORBRITANNIAS MARATONDRONNING: Paula Radcliffe. Her saman med prins Harry av Wales.

Foto: Kirsty Wigglesworth / Ap

– Eg har aldri juksa i løpet av karrieren. Eg er sjokka over å ha blitt kopla til desse hårreisande påstandane, seier Paula Radcliffe til The Guardian.

Radcliffe har hatt verdsrekorden i maraton for kvinner i 12 år.

Ho er vinnar av London maraton og ein av Storbritannias mest populære idrettsutøvarar.

Etter ei høyring i det britiske parlamentet blei maraton-dronninga plutseleg kopla til dopingjuks. Då starta krangelen for alvor.

– Journalistar er dyr

Grunnen til oppstyret: Prarlamentsmedlem Jesse Norman nærma seg slutten på ei utspørring av styreformann David Kenworthy, då han stilte dette spørsmålet:

«Når du høyrer at London maraton-deltakarar, potensielt vinnarar og medaljørar, potensielt britiske utøvarar no er mistenkte for å bloddope seg... Når du tenker på korleis det påverkar unge menneske og samfunnet generelt, kva føler du då?»

Spørsmålet førte til spekulasjonar i britisk presse: Var det Paula Radcliff han sikta til?

Koplinga får Norman til å rase. Politikaren skjeller ut britiske journalistar etter forsnakkinga.

– Etter ei tre timar lang dopinghøyring i parlamentet er det interessant å sjå at media presterer å dra ein setning ut av kontekst, anta at det gjeld Paula Radcliffe eg sikta til, oppsøke ho og presse ho til å uttale seg, seier Norman.

– Journalistar er ein gjeng dyr, seier politikaren.

Kommentator: – Han må vere veldig dum

Norman får no kritikk av media for å refse media.

«Om Jesse Norman verkeleg trur at han ikkje utleverer Radcliff overfor alle som har hjerne, er han enten veldig dum eller trur at alle andre er det», seier Daily Express-kommentator Stephen Pollard.

Radcliffs navn har tidlegare dukka opp i samanheng med doping. I desember skreiv The Telegraph at den tyske kanalen ARD hadde mottatt ei liste med store namn som hadde unormalt høge blodverdiar.

I britisk presse måtte Radcliffe svare på dopingspørsmål. Det samme gjentok seg i dag.

– Desse skuldingane øydelegg omdømmet mitt og alt eg har stått for gjennom heile karrieren. Mitt namn og rykte kan aldri bli bra etter dette, sjølv om påstandane om at eg har dopa meg er usanne, seier Radcliffe, som la opp tidlegare i år på grunn av skader.

Siste nytt

  • Warriors kriget seg videre

    Golden State Warriors er videre til neste runde i NBA-sluttspillet etter 99-91-seier over San Antonio Spurs natt til onsdag. Warriors vant 4–1 i kamper, og møter nå New Orleans Pelicans.

    Philadelphia 76ers tok seg også videre i natt.

    Klay Thompson (11) celebrates after making a basket in front of forward Kevin Durant (35) and forwar
    Foto: Kyle Terada / Reuters
  • Norsk trener til sveitsisk toppklubb

    Dan Tangnes (39) ble onsdag presentert som ny hovedtrener for den sveitsiske hockeyklubben EV Zug. De ble nummer to i grunnspillet forrige sesong, men røk ut i første runde av sluttspillet.

    – Jeg håper vi kan skape gode minner sammen, sier Tangnes.

    Dan Tangnes
    Foto: EV ZUG
  • Glassverket trekker elitelaget

    Håndballklubben Glassverket har spilt i eliteserien denne sesongen, men rykket ned og skulle i utgangspunktet spille i 1. divisjon neste sesong. Slik blir det likevel ikke, da forslaget om å trekke laget fikk flertall på tirsdagens årsmøte, skriver Drammens Tidende. Klubben ønsker å beholde lagene i andre- og fjerdedivsjon.

    Line Bjørnsen hos Glassverket
    Foto: Per Håkon Solberg / NRK

Sendeplan

Kl. Program Kanal
Morgensport og musikk
NRK Sport Live
NRK Sport Live
NRK Sport Live
Sport i dag
4-4-2 Eliteserien: Ranheim - Brann og Stabæk - Start
Mesterligaen: Semifinale Bayern München - Real Madrid