Casper Ruud opna med siger
Casper Ruud vann sin første kamp i ATP-finaleturneringa i Torino. Han slo kanadiske Felix Auger-Aliassime 7-6 (7-4), 6-4.
Spillernefølgde kvarandre fram til 6-6 uten eit einaste servebrot. Ruud fikk det første minibrotet i tiebreaket til 4-2, men Auger-Aliassime slo tilbake og utlikna
Deretter skaffa Ruud seg to settballar og tok settet 7-4.
I det andre settet heldt spelarane servane sine fram til Ruud klarte å bryte til 4-3. Han heldt deretter serven til 5-3 og 6-4.
– Dette er det beste eg har spela sidan US Open, sa Ruud i arrangørens intervju. Der var han i finalen i sewptember, men etterpå har det ikkje gått heilt på skinner. No er han tilbake.
– Eg må vere så ærleg å seie at dei to siste månadene har vore litt vanskelege. Derfor var det ein viktig siger for meg i dag.
Auger-Aliassime er ein av dei store formspelarane i internasjonal tennis i haust, og har vunne fire turneringar denne sesongen. Seinast i Basel, der Ruud blei slått ut tidleg.
Rafael Nadal er førsteseeda i turneringen i Torino, og møter Ruud i neste kamp tysdag. Då får også Ruud støtte frå bestemødrene sine på tribunen.
– Det blir stort. Dei har følgt karrieren til far min, og no følgjer dei min. Det er mange veker sidan eg såg dei sist, og det blir godt å ha dei på tribunen, sa Ruud.
