Her sender Brady Irland til himmels

Da alle trudde Italia-Irland skulle ende i ein kjedeleg 0–0 kamp, dukka ein ire på 1,76 opp. Dermed er både Nord-Irland og Irland vidare til sluttspelet

Robbie Brady

HELT: Robbie Brady treff perfekt på innlegget frå Wes Hoolahan og scorar eit perfekt tima mål.

Foto: Carl Recine / Reuters

– For ein strålande heading. Det her trudde eg ikkje Italia skulle slurve bort, seier ekspertkommentator Tom Nordlie.

Alt såg ut til at Italia-Irland skulle ebbe ut i ein litt kjedeleg 0–0 kamp. Det var aldri mangel på intensitet, men målsjansar var det lite av i Lille i kveld.

Det var før dei hardtarbeidande irane sette inn ein skikkeleg sluttspurt.

To gigantsjansar

Fyrst fann Wes Hoolahan rom i Italia-forsvaret og var plutseleg heilt aleine med reservekeeper-Sirigu etter 84 minutt. Innbytaren klarte ikkje å stokke beina og skotet blei aldri like farleg som sjansen.

Men Irland gav seg aldri. Minuttet etter var det ein ire som langt frå ruvar i luftrommet, som var best akkurat der.

Innlegget var perfekt, headinga til Robbie Brady ligeså. Og dei irske tilhengarane kunne ta av på tribunen.

Fotball-EM 2016

Møter Frankrike

Italia kom til Lille som gruppevinnar og ingenting som skjedde i kveld ville gjere noko frå eller til for Gli Azurri. Derfor stilte dei med eit svært reserveprega lag og bytta ut heile sju spelarar frå kampen mot Sverige.

Irland på si side måtte vinne skulle dei ha sjanse til å fylgje sine nord-irske naboar til sluttspelet.

Og det såg ut som dei hadde gått tom for idear mot slutten. Dei sleit med å få til sjansar og trua ikkje det italienske forsvaret i nemneverdig grad.

Tom Nordlie var ikkje imponert i kommentatorboksen.

– Irland er for føreseielege. Dei er gode på innsats, innlegg og dødballar, men det skortar på ferdigheiter, seier Nordlie.

Italias reservar var også nær sigersmål i sluttminutta. Lorenzo Insigne hadde eit godt innhopp og var svært nær 1–0 mål like før Brady scora for Irland.

Fotball-EM 2016

Men dei hadde altså gode nok ferdigheiter til å kvalifisere seg til å sikre sigeren mot Italia og dermed tredjeplassen i gruppa.

Italia vinn gruppa framfor Belgia, men Irland er eit av dei fire beste trear-laga som går vidare.

Dei møter dermed vertsnasjon Frankrike i åttedelsfinalen. Alle kampane ser du her.

Fotball-EM 2016

Siste nytt

  • Ingen hockeystreik

    Etter forhandlinger hos riksmekleren mandag er det klart at det ikke blir noen hockeystreik. LO-forbundet, NISO og NHO Idrett/Abelia har kommet til enighet. Konflikten gjelder minstelønn til utøvere med proffkontrakt i ishockey og håndball. – På vegne av våre utøvere og medlemmer er vi veldig godt fornøyd med resultatet, sier NISOs forbundsleder, Joachim Walltin til NTB.

    Storhamar
    Foto: Geir Olsen / NTB scanpix
  • Zlatan årets angriper i Sverige

    For 13. gang ble Zlatan Ibrahimovic kåret til årets angriper i svensk fotball.

    37-åringen fikk prisen på den svenske fotballgallaen mandag, men var ikke fornøyd med antallet priser han har skaffet seg.

    Zlatan
    Foto: Christine Olsson/TT / NTB scanpix

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
VM sjakk: Parti 4: Magnus Carlsen - Fabiano Caruana
Sport i dag: VM sjakk 2018
VM sjakk: Parti 4 Magnus Carlsen - Fabiano Caruana