NRK Meny
Normal

Blanda kjensler etter Ferguson-avgang

Per Harald Larsen er skuffa etter avgangen til Manchester United-sjef sir Alex Ferguson. Samstundes ser han med glede tilbake på tida skotten har vore i klubben.

Per Harald Larsen

BLANDA KJENSLER: Klubbsekretær Per Harald Larsen i Manchester United sin skandinaviske supporterklubb.

Foto: Trond Espen Bjoland / NRK

– Litt uverkeleg, det har ikkje heilt gått opp for oss.

Slik beskriv Per Harald Larsen kjensla i dag, dagen då sir Alex Ferguson sluttar som manager i Manchester United. Larsen er klubbsekretær i Manchester Uniteds skandinaviske supporterklubb.

– Vi har jo visst at dagen måtte komme, men vi har prøvd å skyve den litt frå oss, seier han.

SJÅ OGSÅ VIDEO NEDST I SAKA

Vil sjå tilbake

Sir Alex Ferguson har vore sjef i Manchester United sidan 1986. I denne perioden har Manchester United vore dominerande i England, og vunne 13 ligagull. I tillegg har dei mellom anna vunne FA-cupen fem gongar og Champions League to gongar.

(Artikkelen held fram under biletet)

Man United Ferguson Alex Ferguson

MEISTERMANAGER: Sir Alex Ferguson har vunne mange trofear med Manchester United. (Arkivbilete)

Foto: Jon Super / Ap

For mange blir det spennande å sjå kva som skjer med klubben framover. Det er mange spørsmål rundt kven som blir ny manager, og korleis klubben vil reagere på å ha ein annan i sjefsstolen, etter 26 år med Ferguson.

Per Harald Larsen ønskjer også å sjå tilbake på tida skotten har hatt i klubben.

– Først og fremst vil vi bruke denne dagen til å sjå tilbake og hylle Ferguson for det utrulege arbeidet han har gjort for Manchester United. Eg trur det vil ta nokre år før vi verkeleg klarer å verdsetje det han har gjort, seier han.

Skulkar skule for sir Alex

Henrik Tjore

SKULKA SKULEN: Henrik Tjore skulka skulen for å kjøpe seg Manchester United-drakt i dag.

Foto: Trond Espen Bjoland / NRK

I Manchester United sin supporterbutikk i Bergen har det kome mange kundar i dag. Dei vil kjøpe drakter, og billettar til den siste ligakampen der Ferguson skal leie laget på Old Trafford, førstkomande Sundag.

Henrik Tjore var på skulen då han fekk beskjeden om at Ferguson sluttar som manager. Då gjekk han frå skulen, og rett til supporterbutikken. Der kjøpte han ei ny drakt, for å hylle den erfarne manageren.

– På drakta skal eg ha namnet hans, og tal på trofé han har fått og kor mange år han har vore i klubben, fortel han, og seier at det har vore ein tung dag.

– Eg er fødd i 1991, og har vakse opp med at han har vore sjef i United, så det er trist.

Ingen tru på comeback

Ferguson har passert 71 år, og ein har visst at tida nærma seg for at Ferguson skulle slutte. Likevel har det vore få rykte om at det skulle skje akkurat denne våren, og Per Harald Larsen vart overraska då beskjeden kom.

– Det kom så overraskande som Ferguson ville at det skulle komme, seier han.

Sjølv om Ferguson no sluttar som manager, trur ikkje Larsen at han vil kutte alle band med Manchester United.

– Eg ser føre meg at han blir ein sjuande far i huset, og at han framleis vil vere ein del av klubben. Men eg trur ikkje vi får noko comeback, seier Larsen.

Bergenske Manchester United-fans om Fergusons avgang. Fansen er trist etter at det ble kjent at Ferguson gir seg som Manchester United-trener.

VIDEO: Slik reagerer supporterane.

Siste nytt

  • Beskyldes for å ha dopet hundene

    Ledelsen for Iditarod-løpet i Alaska i USA anklager Dallas Seavey, som har vunnet løpet fire ganger, for å ha dopet hundene sine. Selv nekter 30-åringen for å ha gitt forbudte stoffer til dem i årets løp, og han har trukket seg fra neste års løp i protest.

    Dallas Seavey
    Foto: Mark Thiessen / AP
  • New York Rangers tapte igjen

    Mats Zuccarello og New York Rangers gikk på nok en smell da de tapte 1-4 mot San Jose Sharks natt til tirsdag. Lørdag fikk Rangers en kjærkommen opptur med en 4-2-seier, men mandag ble det nytt tap. Laget har nå tapt åtte av sesongens ti kamper.

    Feiret scoring
    Foto: Adam Hunger / Ap
  • Ronaldo ble årets spiller

    Cristiano Ronaldo ble kåret til årets spiller under FIFAs prisutdelingsgalla i London mandag. Real Madrid-stjernen har vunnet priser på løpende bånd de siste sesongene. Mandag stakk han av med en ny gjev utmerkelse – i kamp med Barcelonas Lionel Messi og Paris Saint-Germains Neymar.

    FBL-FIFA-AWARDS
    Foto: GLYN KIRK / AFP

Sendeplan

Kl. Program Kanal
VM-kvalifisering fotball, kvinner: Nederland - Norge
4-4-2 VM-kvalifisering fotball kvinner: Nederland - Norge
VM-kvalifisering fotball: Nederland - Norge