NRK Meny
Normal

Alsgaard om stakeforslaget: – Som å gå tilbake til 80-talet

FIS vurderer å innføre eigne forbodssoner mot staking. Langløpssjef Thomas Alsgaard meiner det er feil retning å gå for verdscupen, men positivt for langløp.

Alsgaard

SKEPTISK: Thomas Alsgaard er dagleg leiar i langløpslaget Team Leaseplan, der har forslaget frå FIS blitt tatt i mot

Foto: Pedersen, Terje / NTB scanpix

– Eg må jo vere så ærleg å seie at eg drog litt på smilebandet da eg las forslaget, seier Thomas Alsgaard.

Forslaget han snakkar om er innføring av eigne stake-soner i klassiske renn, som Dagbladet fyrst omtalte i går.

– Hadde ikkje alternativ på 80-talet

Alsgaard er dagleg leiar for langløpslaget Team Leaseplan. Om forslaget blir vedteke på FIS-kongressen i Mexico neste veke, meiner han det er å gå eit langt steg tilbake i utviklinga av langrennssporten.

– Det blir jo som å gå tilbake til 80-talet da dei innførte soner med skøyteforbod. Men den gongen hadde ein ikkje eit alternativ som ein har i dag med langløp, seier han til NRK.

Eit poeng som også verdas beste langrennsløpar Martin Johnsrud Sundby poengterte til Dagbladet i går.

– Dersom eit forbod som dette blir omfattande, vil det høgst sannsynleg føre til at dei som er mest innovative og utviklingsfokuserte blant utøvarane, kjem til å søkje mot langløp, og dermed forsvinne frå verdscupen, sa Sundby.

Sundby

FYRSTE GONG: På 15 kilometeren i Toblach før jul vann Martin Johnsrud Sundby sitt fyrste renn på blanke ski. Kanskje er ikkje det mogleg neste år.

Foto: ALESSANDRO GAROFALO / Reuters

Derfor ser langløpssjefen Alsgaard også det positive i forslaget.

– Eg er jo einig i vurderinga til Sundby, løparar som er utviklingsretta og sterke i staking vil kunne søkje over til langløp. Derfor kan ei eventuell regelendring vere bra for langløp og kunne gje Ski Classics eit løft.

Northug: – FIS skyter seg sjølv i foten

NRKs langrennsekspert Fredrik Aukland trur heller ikkje stake-soner er vegen å gå for å behalde klassisk diagonalgang i verdscupen.

– Eg er skeptisk, det blir unaturleg å legge så store begrensingar på utviklinga. Dette er å bremse den og gå ti steg tilbake. FIS bør heller velje løyper som er tøffe nok til at løparane må bruke festesmøring. Det her vil gjere det for komplisert, meiner Aukland.

I forslaget heiter det at arrangørane ikkje er pålagte å innføre «stake-soner», men at regelendringa vil gje dei ulike arrangørane høve til å gjere det. Aukland meiner at FIS med det vil gje store fordelar til enkeltløparar.

– Da er FIS med på definere kven som blir favorisert. Om ein tek oppløpet i Drammen for eksempel, der det går slakt oppover, vil ein favorisere løparar som er best i diagonalgang. Eg meiner utøvarane framleis må få utnytte styrkene sine, seier Aukland.

Petter Northug er også skeptisk og er einig med Fredrik Aukland.

– Det blir sikkert vedteke, men FIS skyter seg sjølv i foten. I Lahti og Falun og på femmila i Kollen vil det aldri bli rein staking. Dei løypene er for tøffe til det. Der bør FIS legge klassiske løp, akkurat som det er heilt naturleg med skøyting i Toblach, seier Petter Northug til Dagbladet.

Siste nytt

  • Christiansen tok også bronse

    Henrik Christiansen tok bronse på 1500 meter fristil under svømme-EM i København i kveld. 21-åringen fra Skjetten svømte inn på 14:25,66, og endte elleve sekunder bak ukrainske Mykhaylo Romanchuk, som vant distansen.

    Henrik Christiansen
    Foto: SVT
  • Susann Bjørnsen tok bronse

    Susann Bjørnsen fra Bardu tok sin første medalje i et internasjonalt mesterskap fredag ettermiddag. På 100 meter medley svømte hun inn på tiden 59.26, som er personlig rekord.

    SUSANN
    Foto: Jessica Gow/TT / NTB scanpix
  • Bronsemedalje på Hvas

    Tomoe Hvas imponerte stort i 200 meter medley. Etter å ha ledet store deler, falt han litt av på slutten. Men tredjeplass i EM skal 17-åringen være godt fornøyd med. – Han er et unikum, sier NRK-ekspert Aleksander Hetland.

Sendeplan

Kl. Program Kanal
VM håndball kvinner: Semifinale Nederland - Norge
VM håndball kvinner: Semifinale Nederland - Norge
VM håndball kvinner: Semifinale Nederland - Norge