Alpinlandslaget blir utvida
31 utøvarar er tatt ut på det norske alpinlandslaget til den kommande OL-sesongen. Det er seks fleire enn året før.
Det er tolv utøvarar på kvinnelandslaget, 17 på herrelaget og to parautøvarar på landslaget kommande sesong, opplyser Skiforbundet i ei pressemelding.
– Fjorårets sesong var ein sesong med betydelege kutt i talet på utøvarar på lag grunna tap knytt til koronaviruset. Det er difor gledeleg at vi no har mogelegheit til å ha rekruttlag på begge kjønn, seier sportssjef Claus Johan Ryste.
Av nye namn er det Henrik Røa som har fått landslagsplass med B-status.
På kvinnenes lag er Mariell Kufaas det nyaste namnet.