«Hundestreik» gir norsk sigersjanse i Iditarod

Franske Nicolas Petit var på veg mot sin første siger i hundesledeløpet Iditarod. Så streika hundane. Dermed kan Joar Leifseth Ulsom forsvare sigeren frå i fjor.

Nicolas Petit, Iditarod

SVIKTA AV HUNDANE: Nicolas Petit i godt selskap med ein av hundane sine. Men han blei svikta av hundane då han var på veg mot sin aller første Iditarod-siger

Foto: Marc Lester / AP

Petit hadde solide fem timars leiing ut frå sjekkpunktet Shaktoolik, 221 miles (engelske mil) frå målstreken i Nome i det 1000 miles lange løpet.

Men ute på sjøisen tok to av hundane i spannet brått til å slåst seg imellom, og alle dei ti hundane stansa. Alle nekta plent å gå vidare, og Petit og hundane blei ståande ute på isen i timevis.

– Eg ropte på Joey (den eine av dei to hundane), og alle reagerte, noko som ikkje skal skje, sa Petit, ifølgje Anchorage Daily News.

Utover dagen fauk konkurrentane forbi, men Petits hundar ville ikkje rikke seg. Franskmannen sjølv hadde til slutt ikkje noko anna val enn å bryte løpet og tilkalle transport tilbake til sjekkpunktet.

– Det er ikkje noko fysisk i vegen med hundane Dette sit i hovudet, sa Petit.

Libby Riddles, vinnar i 1985 og med 40 års erfaring med hundespann, er ikkje forundra over det som skjedde.

– Dersom hundane ikkje er glade, kan dei svikte deg. Ofte skal det til berre ein einaste hund som blir sur, så kan det smitte til heile spannet, seier ho. – Og huskyar kan må enkelte måtar vere meir primitive enn andre.

Petits «hundestreik» gir norsk sigersjanse

Joar Leifseth Ulsom

TITTELFORSVARAR: Joar Leifseth Ulsom vann Iditarod i fjor, og er i posisjon til å forsvare sigeren

Foto: Espen Aarsvold / NRK

Med den suverene leiaren ute, opnar sjansane seg for konkurrentane, inkludert fjorårsvinnar Joar Leifseth Ulsom. Ut frå sjekkpunktet Koyuk er han på andreplass, ein time bak Peter Kaiser. Frå Koyuk er det 171 miles til mål. Begge har ni hundar att av dei 14 dei starta med.

Vinnaren går truleg i mål onsdag eller torsdag.

Nicolas Petit blei nummer to i Iditarod i fjor, slått av Ulsom. Året før tok han tredjeplassen, men han har aldri vunne.

Iditarod er det kanskje mest kjende hundesledeløpet i verda, og går frå Anchorage til Nome i Alaska. Rekorden for det 1000 miles (drygt 1600 km) lange løpet er på 8 dagar, 3 timar, 40 minutt og 13 sekund.

I år tek det vesentleg lenger tid fordi mildver og lite snø har gjort forholda vanskelege.

Siste nytt

  • Haugesund med comeback

    Herolind Shala ga Vålerenga en drømmestart etter kun to minutter, men mål fra Niklas Sandberg og Kristoffer Velde førte til at Haugesund snudde fra 0-1 til 2-1. Det gjorde at Haugesund klatret to plasser til syvendeplass, plassen bak Vålerenga.

    Eliteserien fotball 2019: Vålerenga - Haugesund (1-2).
    Foto: Audun Braastad / NTB scanpix
  • Poengdeling i Tromsø

    Arnór Smárason satte sikkert inn 1-0 fra straffemerket etter elleve minutter og sendte Lillestrøm i ledelsen borte mot Tromsø, men Simen Wangberg headet inn utligningen 1-1 tolv minutter før slutt. Dermed er Tromsø fortsatt på kvalikplass.

    Eliteserien fotball 2019. Tromsø-Lillestrøm.
    Foto: Rune Stoltz Bertinussen / NTB scanpix
  • Molde overtok tabellen

    Martin Ellingsens og Leke James to nettkjenninger sendte Molde, som avanserte i europaligaen torsdag, tilbake tabelltopp med 3-2 seieren borte mot Ranheim søndag. Erik Tønne og Ola Solbakken scoret målene for Ranheim.

    Eliteserien i fotball 2019. Ranheim møter Molde.
    Foto: Ned Alley / NTB scanpix

Sendeplan

Kl. Program Kanal