– Eg trur ikkje dei tenkte på kor dei var, men er det bevisst så er det frykteleg dumt gjort, om det er for å provosere andre sine fans, seier John Arne Riise om situasjonen i NRK-studioet i pausen.
Situasjonen skjedde i sekunda etter at Grzegorz Krychowiak sette inn Polens femte og avgjerande straffespark, som sikra avansement til kvartfinalen (sjå video øvst). Saman med dei andre polske spelarane sprang dei for å feira med fansen bak målet dei nettopp hadde scora i.
Mest aktiv av dei polske spelarane Artur Jedrzejczyk, som vifta med armane mot fansen, for å få dei til å jubla høgare. Sekund seinare ser ein den polske kapteinen, Robert Lewandowski, som strekk armane over hovudet i ellevill jubel. Så løftar han henda mot øyra, for å visa at han ikkje kan høyre jubelen deira høgt nok.
Det einaste problemet var at bak det målet dei feira framfor, stod dei tilreisande supporterane frå Sveits. Dei var ikkje stort betre, og svarte med å kasta gjenstandar mot dei polske spelarane.
Artikkelen fortsett under bilde.
HAGLA: Diverse gjenstandar på bana viser misnøya til den sveitsiske fansen.
Foto: Yves Herman / ReutersEtter nokre sekund tok dei polske spelarane turen tvers over bana, for å bli hylla av sine eigne fans i motsett sving.
På vegen vart det intense diskusjonar mellom Sveits-spelarane Gelson Fernandes, Fabian Schär, Ricardo Rodríguez, og Polens kaptein, Robert Lewandowski. Dei flokka seg rundt han og gav klar beskjed om kva han syns om feiringa framfor deira eigne fans.
– Eg trur nok dei skjønte fort at dei var på feil plass, seier Riise.
