Nye stemmereglar: – Dramatisk for fotballdemokratiet

Breiddeklubbar reagerer sterkt på at styret i Norges Fotballforbund ønskjer at dei ikkje lenger skal ha direkte representasjon på fotballtinget.

Fotballtinget 2016

FOTBALLTINGET: I denne forsamlinga bør ikkje breiddeklubbane ha røysterett, meiner styret i fotballforbundet

Foto: Vegard Wivestad Grøtt / NTB scanpix

– Det er dramatisk for demokratiet og ryggrada i fotballen, seier Arne Knoph, dagleg leiar i Asker Fotball.

Det årlege fotballtinget er norsk fotballs høgaste makt. Det er der lover og reglar blir vedtekne, og etter dagens reglar har alle klubbane i NFF rett til å møte og røyste.

No fryktar breiddefotballen at dei får for lite makt.

– Eg håper verkeleg ikkje forslaget går gjennom, legg Knoph til.

Marius Gisvold

UHELDIG: - Forslaget vil forskyve maktbalansen i norsk fotball, seier Ready-leiar Marius Gisvold

Foto: Knut Falch / NTB scanpix

– Dette vil forskyve maktbalansen i fotball-Norge, og det er uheldig, seier Marius Gisvold, styreleiar i 3. divisjonsklubben Ready og styremedlem i Oslo fotballkrets.

– Konsekvensen er at ein fjernar breiddefotballen lenger frå makta, og det går eg ut frå ingen eigentleg ønskjer, seier Gisvold.

I modellen forbundsstyret har sendt ut i tingheftet for årets fotballting, skal dei 1842 medlemslubbane heretter ha maksimalt 246 utsendingar. I dag kan dei sende opptil 1947.

Problemet er at berre eit fåtal av klubbane gjer det. Gjennomsnittleg sju prosent, ifølgje fotballpresident Terje Svendsen.

– Same maktfordeling

Gisvold trur ikkje dette er noko organisert angrep på breiddefotballen, men ein uheldig konsekvens.

– Det er ikkje slik at nokon mister stemmeretten. Men det blir eit anna påmeldingssystem. Vi har basert oss på auka deltaking, betre geografisk representativitet, og same maktfordeling mellom topp og breidde, seier fotballpresidenten til NRK.

Når i underkant av 200 delegater av et potensiale på rundt 2000 møter, er det grunn til å stille spørsmål ved om forsamlingen er representativ for norsk fotball.

...

Med en indirekte representasjon kan fotballdemokratiet styrkes ved at de lokale regioner gis en økt innflytelse på hvem som møter og hvordan sakene debatteres.

Styret i Norges Fotballforbund
Terje Svendsen

TILBAKEVISER: – Ingen mister stemmeretten. Men det blir eit anna påmeldingssystem, seier fotballpresident Terje Svendsen

Foto: Poppe, Cornelius / NTB scanpix

Men styret i Norges Fotballforbund ønskjer ikkje at klubbane frå 3. divisjon og nedover lenger skal ha røysterett på fotballtinget. Deira interesser skal fremjast gjennom ein kretsrepresentasjon som avspeglar talet på klubbar i kretsen.

Samstundes bør toppklubbane sikrast god representasjon, meiner styret, som vil at kvar eliteserieklubb og toppserieklubb skal ha to delegatar på tinget.

Fotballstyret ber årets fotballting om fullmakt til å greie ut ny representasjonsmodell.

– Vi skal ha ein debatt om korleis vi skal styrke fotballdemokratiet, seier fotballpresidenten.

Tingdeltaking via Skype?

Readys forslag går ut på at forbundsstyret må greie ut om det er mogeleg å delta og røyste via Skype eller liknande.

– På den måten kan ein få mykje større deltaking på fotballtinget utan å endre på stemmereglane.

Svendsen er ikkje samd:

– Vi har enno ikkje trygge nok løysingar for det. Dessutan har det ein eigenverdi å vere fysisk til stades på tingdrøftingane, seier han.

Knoph ser det på ein annan måte.

– Skal ein ta bort røysteretten berre fordi ikkje alle møter opp alltid? Det handlar om å kunne seie si meining når dei verkeleg viktige tinga kjem opp.

– Vi ønskjer ikkje endringar i reglane. Men sidan NFF-styret legg fram sitt forslag, fann vi å måtte ha eit motforslag. Det viktigaste for oss er å oppretthalde eit system der breiddeklubbane kan møte opp og utgjere eit fleirtal på fotballtinget, meiner Gisvold.

Samtidig bør toppklubbene sikres en god representasjon. Mange av sakene som debatteres og avgjøres på tinget omhandler toppklubbene. Dette gjelder alt fra driftsstrukturer (eierskapsmodeller) til konkurranseregler herunder serie- og cupstrukturer. For toppklubbenes oppslutning og eierskapet til tingets vedtak må toppklubbene gjennom representasjon sikres god innflytelse på saker som stort sett omhandler de selv. Dette er avgjørende.

Styret i Norges Fotballforbund

Siste nytt

  • Johaug-rival bryt Ski Tour

    Russiske Natalja Neprjajeva, Therese Johaugs tøffeste konkurrent i verdenscupsammendraget, bryter Ski Tour 2020. Det bekrefter trener Jurij Borodavko overfor NRK. Neprjajeva ble syk etter at hun måtte reise til Moskva for å søke om visum til USA. Hun lå på 12.-plass i Ski Tour 2020.

    Natalia Nepryaeva
    Foto: Håkon Mosvold Larsen / NTB scanpix
  • Klæbo stiller til start

    Legeundersøkelse ga Johannes Høsflot Klæbo grønt lys til å gå Ski Tour-sprinten i Åre tirsdag. Klæbo fikk søndag undersøkt sin trøblete finger i Trondheim. Mandag opplyser Norges Skiforbund at bruddet er uendret, hvilket betyr at Klæbo fortsetter Ski Tour. – Jeg ønsker ikke å fokusere på bruddet ved fingeren. Nå har jeg fokus på de løp som gjenstår i Ski Tour, sier langrennsstjernen i en uttalelse. Klæbo har ikke hatt noen heldig åpning av skitouren. Etter to etapper er han hele 2.15 minutter bak ledende Pål Golberg.

    Johannes Høsflot Klæbo Ski Tour
    Foto: Bjørn Steinar Gundersen / NRK

Sendeplan

Kl. Program Kanal