Warholm med historisk verdsranking
Den oppdaterte verdsrankinga i friidrett som kom 10. august, stadfestar at hekkeløpar Karsten Warholm ikkje berre har blitt verdas beste på 400 meter hekk, men at han også har tatt ein historisk poengsum på verdsrankinga.
Han toppar lista med 1539 poeng, som er den høgaste poengsummen sidan rankinga blei innført 1. januar 2019.
Og ikkje nok med det, så har Noreg to utøvarar på topp 10-lista. Jakob Ingebrigtsen er den andre på 8.-plass med 1449 poeng.
Warholm har toppa lista sidan 6. juli i år. Før han låg Armand Duplantis på topp frå 18. februar 2020. Her kan du sjå lista i sin heilskap.