Vipers valsa over Molde i cupfinalen med ny scoringsrekord

– Det er deilig å samle på desse, smiler Vipers-spelar Marta Tomac og viser fram pokalen etter finalesigeren mot Molde.

I cupfinalen i Jordal Amfi laurdag var det aldri i tvil om kven som skulle stikke av med NM-tittelen. Vipers vann til slut 38-20.

Molde gjekk aggressivt til verks og leia med to mål heilt i starten. Men ti minutt ut i kampen sette Vipers inn ei ekstra gir. Derifrå såg dei seg aldri tilbake.

– Det var forventa og veldig fortjent at Vipers vinn, oppsummerer NRKs handballekspert Peder Langfeldt.

Ny scoringsrekord

Halvvegs i første omgang leia Katrine Lunde, Nora Mørk og co. 13-6. Til pause stod det heile 22-8.

Molde, som var i sin første cupfinale, klarte ikkje å stikke kjeppar i hjula for sigersvande sørlendingar.

– Det er klubbens første sølvmedalje. Prestasjonen vår var ikkje så god som vi ynskjer. Vi blir veldig passive. Når Vipers trakkar til heng vi etter. Eg trur ikkje vi pådrog oss eit einaste gult kort. Det seier litt, seier Molde-trenar Tor Odvar Moen.

Andre omgang vart ein rein transportetappe for Vipers.

– Vi spelar bra frå starten og tek lurven av Molde. Vi fortener det og eg tykkjer vi spelte bra gjennom heile kampen, seier Vipers-keeper Katrine Lunde.

38-20 betyr også ny scoringsrekord i ein cupfinale. Larvik scora 37 mål då dei slo Stabæk 37-13 i 2011.

– Det er eit resultat av godt angrepsspel, seier Marta Tomac om scoringsrekorden.

Dette var altså Vipers sitt femte NM-gull. Det er framleis lang veg opp til Larvik si merittliste i cupen. Dei har vunne heile 17 gonger.

Hektisk Vipers-periode

Vipers Kristiansand er inne i ein særs hektisk periode.

Dei er i semifinalen i sluttspelet, der Molde også er motstandar. Vipers vann den første av tre semifinalar.

I tillegg er klubben klar for semifinale i meisterligaen for andre år på rad. I fjor vann sørlendingane meisterligaen.

null

Spiller nå

ØIF tapte thrillerfinale 00:59

Neste

Vipers jublet for cupgull 00:50 ØIF-trenaren om finaletapet 02:02 Elverum-trenaren etter cuptriumfen 02:02

Vis flere