Den norske jordbærsesongen er i gang fleire stader i landet, og i Vennesla er det ikkje lenge til dei første jordbæra frå Steinsland kan plukkast.
– Det er veldig mykje kart, men ikkje lenge til dei blir raude og etandes no.
John Olav Steinsland er fersk jordbærbonde og følgjer nøye med i åkeren. Han snakka først om dette i Vennesla Tidende.
Det kryr av jordbærkart i Vennesla. Men tørt vær fører til hyppig vatning og mogelegheit for eit skred av modne bær.
Foto: Per-Kåre Sandbakk / NRKRask modning
I år byrjar sesongen tidlegare enn normalt på grunn av det varme og tørre junivêret.
Det kan få konsekvensar.
– Det bognar av kart! Vi får alle jordbæra på ein gong, og det kan bli utfordrande å få selt dei. Og så må vi vatne veldig mykje for det er så tørt, seier Steinsland.
Det varme og tørre vêret kan også gjere at jordbærsesongen kan blir kortare og meir intens fordi alle bæra modnast samtidig.
Jordbærbonde John Olav Steinsland reknar med ein intens og travel jordbærsesong.
Foto: Per-Kåre Sandbakk / NRKVil ha regn
Sjølv følgjer jordbærbonden nøye med på vêrmeldinga.
– Alle bønder drøymer om regn no!
Ifølge statsmeteorolog hos Meteorologisk institutt Bente Wahl, vil det framleis vere varmt og tørt i nærmaste framtid, men det er sjanse for nokon regnbyer.
– No er nok sjansen for byer om ettermiddagen, med tore større. Men det er i indre strøk byene gjerne byggjer seg opp.
Og om ei vekes tid reknar jordbærbonden med å starte salet.
– Vi kryssar fingrane for at folk vil kjøpe lokale jordbær! Seier Steinsland.
Det blir ikkje mykje nedbør med det aller første, for Sørlandet sin del.
Foto: Skjermdump fra Twitter / Elin Skaar
