Hopp til innhold

Fekk gjev pris for arbeid mot seksuelle overgrep mot menn

Nettstaden Utsattmann.no er tildelt Humleprisen 2013. Prisen går til personar eller organisasjonar som har gjort seg spesielt bemerka i arbeidet mot seksuelle overgrep.

Jarle Holseter

Jarle Holseter er ein av mennene bak nettstaden Utsattmann.no som er tildelt prisen.

Foto: Skjermdump utsattmann.no - Privat

– Dette var stor stas for oss. Det er ein ærefull pris som heng veldig høgt for dei som jobbar med seksuelle overgrep i kvardagen, seier Jarle Holseter til NRK.

Søgne-mannen som er ein av mennene bak nettstaden. Holseter meiner samfunnet gløymer at også menn kan bli utsett for seksuelle overgrep.

– Gutane vert ofte gløymde

– Vi føler litt på at støtteapparat og senter er veldig godt lagt til rette for jentene, og ære vere dei for det, men gutane vert ofte gløymde og det ynskjer vi å gjere noko med, seier han.

Bak nettstaden står mellom 15 og 20 menn frå heile landet som alle har blitt utsett for overgrep i oppveksten.

– Vi har klart å reise oss igjen. Vår jobb er å synleggjere at det faktisk går å få eit bra liv dersom ein får riktig behandling og terapi. Så har vi ein jobb i forhold til samfunnet føler vi. Å belyse at også gutar opplever seksuelle overgrep. Det er eit tabu som samfunnet etterkvart blir klar over trur eg, seier han.

Holseter fortel at nettstaden opplever å få mange spørsmål frå gutar og menn kring overgrep.

Stolt over prisen

– Det er ein merkbar auke kvar gang vi er ute og held foredrag eller fagkonferansar. Då merkar vi auke på nettstaden i form av spørsmål, seier han.

Tidlegare har forfattar Herbjørg Wassmo og barne- og likestillingsminister Inga Marte Thorkildsen motteke prisen.

– Det viser kor høgt denne prisen heng. Det er jo støttesentera rundt om i landet som stemmer fram beste organisasjon eller enkeltperson, så den heng høgt, seier han.

– Dette er bensin på tanken for oss. No kan vi jobbe vidare. Det er veldig hyggeleg å bli anerkjent for det vi held på med. Det er klart at dette betyr mykje, seier han.

null
Spiller nå
AnneMa liker ikke Digipost! 01:22
Neste

Økonomistatus

Strømpris i dag

Inkludert avgifter

Billigst kl. 03 1,32 kr
Dyrest kl. 18 1,78 kr

Strømkostnader nå

  • Steke pizza 0,6 kr 25 min.
  • Dusje 6,2 kr 10 min. / 100 liter vann
  • Vaske klær 0,8 kr En vask
  • Varmeovn 1,5 kr 1000w, en time

Styringsrenta i prosent

Høyere styringsrente betyr økte utgifter dersom en har boliglån

Økte matpriser

Hvor mye matprisene har økt det siste året, sammenlighet med lønnsutvikling

  • Matvarer Jan 2023 – jan 2024
    + 8,7 %
  • Lønnsutvikling Anslag for 2024
    + 5 %