Hopp til innhold

– Stadig fleire Nigeria-prostituerte i Kristiansand

Kristiansand har den fjerde største prostitusjonsmarknaden i landet. Gateprostitusjon med kvinner frå Nigeria aukar mest.

Prostitusjon i Bergen sentrum

Det kjem stadig fleire kvinner frå Nigeria til Kristiansand for å prostituere seg. (Illustrasjonsfoto)

Foto: Ingfrid Berge Fossåskaret / NRK

– Innemarknaden har halde seg ganske jamn, men gateprostitusjonen aukar, seier feltsjukepleiar Liv Bente Sunde i Kristiansand kommune til NRK.

Måndag fortalde NRK at politiet hadde gjennomført ein razzia mot eit bustadhus på Grim i Kristiansand. Då politiet aksjonerte vart det avdekt at fleire nigerianske prostituerte hadde tilhald i ein etasje i huset.

Går langs gatene

For eit drygt år sidan gjekk det berre rykte om gateprostituerte i kommunen. No reknar ein med at mellom 6–8 nigerianske kvinner opererer i utemarknaden til ei kvar tid.

– Dei går langs gatene. Dei går der publikum er, seier Sunde.

– Det er folk som bur her ei lita stund og så reiser dei att, seier ho.

Kommunen følgjer heile tida med på prostitusjonsmarknaden i byen og har faste nettstader som vert overvaka.

– Der er talet jamt stort sett heile året. Rundt 20 personar, seier Sunde.

Gir gratis kondomar

Kommunen har sett i verk fleire tiltak for å hjelpe gateprostituerte i Kristiansand. Mellom anna tilbyr dei gratis kondomar.

– Vi gir tilbod om gratis kondomar, glidekrem og smitteførebyggjande arbeid. Vi hjelper dei til lege om dei treng det og sosialfaglege ting, seier ho.

– Fryktar de at dette er ei utfordring som vil bli aukande?

– Vi tenkjer at det er det. Det aukar på landbasis og då vil det auke her også, seier Sunde.

Siste nytt fra NRK Sørlandet

null
Spiller nå
AnneMa liker ikke Digipost! 01:22
Neste

Økonomistatus

Strømpris i dag

Inkludert avgifter

Billigst kl. 23 1,29 kr
Dyrest kl. 07 1,47 kr

Strømkostnader nå

  • Steke pizza 0,6 kr 25 min.
  • Dusje 5,6 kr 10 min. / 100 liter vann
  • Vaske klær 0,7 kr En vask
  • Varmeovn 1,4 kr 1000w, en time

Styringsrenta i prosent

Høyere styringsrente betyr økte utgifter dersom en har boliglån

Økte matpriser

Hvor mye matprisene har økt det siste året, sammenlighet med lønnsutvikling

  • Matvarer Jan 2023 – jan 2024
    + 8,7 %
  • Lønnsutvikling Anslag for 2024
    + 5 %