– Eg måtte finne fram brillene for å sjå. Då tenkte eg jøss, det var jo fem elgar som stod der i ei klynge, seier Ilebekk Olsen.
Ho var på veg til hytta på Brokke saman med mannen og sonen på seks år, då dei var vitne til naturopplevinga på Byglandsfjorden.
Lang, lang rekke
– Vi stoppa bilen og såg litt på dei. Elgane byrja å tusle og gjekk på ei lang rekke, fortel ho.
Men det tok litt tid før ho forstod kva ho såg.
– Først trudde eg det var noko steinar eller noko. Men etterkvart såg eg jo at det var fem elgar. Det var kjekt å sjå, seier ho.
Ilebekk Olsen har aldri opplevd liknande tidlegare.
Store dyr
– Det er jo svære dyr og der er ikkje ofte ein ser elg. Iallefall ikkje fem på ein gang. Det er skjeldan, seier ho.
For 6-åringen hennar var det ei stor oppleving å sjå fem eksemplar av skogens konge på same tid.
– Han tykte det var veldig kjekt. Det var stort, seier ho.
Har du naturopplevingar du vil dele? Klikk her og tips oss!