Arendalittane tok leiinga 1–0 rett før pause på Fredrikstad stadion.
Wilhelm Pepa, som fekk tillit frå start for første gang denne sesongen, stonga inn leiarmålet.
Mykje tyda på at gjestene frå Sørlandet skulle få med seg alle poenga frå Fredrikstad.
72 minutt ut i oppgjeret kom Viktor Löfgren aleine med Fredrikstad-keeper Håvar Jenssen. Men spissen klarte ikkje å overliste sisteskansen.
Åtte minutt seinare sette Fredrikstad inn Kristian Brix. Det skulle vise seg å vere eit lurt trekk.
Etter berre sju minutt på bana sette 26-åringen ballen i mål til 1–1 føre 3785 tilskodarar. Dermed vart det poengdeling i Fredrikstad.
Arendal ligg på 13.-plass på tabellen med åtte poeng etter ti serierundar. Fredrikstad ligg framleis sist med fem poeng.
I neste serierunde tek Arendal imot Tromsdalen på heimebane.