Dei norske handballherrane knuste Tyskland 35-25. Sondre Paulsen scora fire mål i sin første VM-kamp nokonsinne.
– Det var eigentleg berre å førebu seg og vere med laget. Det var berre å gi jernet, seier Paulsen.
Bakerst stod keeper Steinar Ege ein solid kamp. Etter 13 minutt hadde han ein redningsprosent på heile 64.
– Vi kjempa dei ut av stilen, seier Sondre Paulsen til NRK.no.
– Eg var sjølvsagt nervøs. Det er litt større å spele i VM enn dei andre landskampane eg har spelt. Men etterkvart vart eg varm i trøya og meir komfortabel.
