– Vi er i ferd med å prøve å hindre at meir olje kjem på land. Det er eit tynt, stort flak som har slått i land. Det er olje nesten over alt, seier Britt Bjørnstad til NRK Sørlandet.
► GALLERI:
Tilgrisa svane-par
Bjørnstad er på ein holme på Kåltangen utanfor Kragerø. Dei er i full gang med å rense strandområdet for olje. Ho seier det er lite dyr å sjå i området.
– Akkurat her vi er no har vi kun sett eit svane-par. Dei var tilgrisa av olje, seier ho.
Reiser til Kragerø
Ordførar i Risør, Knut Henning Thygesen, vil ro reise til Kragerø saman med brannvesenet for å sjå kva dei kan gjere.
– Vi tek blant anna med oss sandsekkar. Så får vi sjå kva vi eventuelt kan gjere, seier han.
– Vi har i tillegg ute ein skjergardspatrulje for å observere korleis det ser ut. Det skal vere snakk om nokre hundre meter, seier han.
Ventar meir olje på land
– Vêret i området er bra i forhold til ein oljevernaksjon, men vindretningen (vestavind) gjer at ein kanskje må kunne forvente meir oljepåslag på land, skriv Kystverket på sine nettsider.
Oljevernaksjonen har no tre fokusområde: Stråholmen, nord for Jomfruland, havaristaden og Helgeroa/Mølen i Vestfold.