Kystverket kunne søndag melde om at oljeflak er observert tre nautiske mil sør for Risør.
– Oljeflaket utanfor Risør er ikkje-aksjonerbart. Det er eit tyntflytande lag, som vi ikkje kan gjere noko med, seier kommunikasjonsrådgjevar i Kystverket, Gro Kibsgaard-Petersen til NRK Sørlandet.
– Vi må nok rekne med slikt som dette, seier ho.
Sender ut helikopter
Klokka 12 søndag vil eit helikopter bli sendt ut for å få oversikt over kvar oljen har slått på land.
– Då vil representantar frå Kystverket og spesialistar fly over heile området for å observere, seier kommunikasjonsrådgjevaren.
Samlar mannskap
– Brannvesenet er varsla, og vil gjere seg klar til å leggje ut lenser dersom oljen nærmar seg land. Vi har også vore i kontakt med fiskarar, dykkarar og andre med båtar for å få hjelp, seier ordførar i Risør, Knut Henning Thygesen, til NRK Sørlandet.
Østre Agder Brannvesen er i full gang med å samle mannskap, og er i ferd med å flytte utstyr til Risør. I går ettermiddag jobba brannvesenet med å frakte utstyr frå Arendal til Risør.
Østre Agder Brannevesen er klar med oljelenser på Dampskipskaia i Risør.
Foto: Kjell Pihlstrøm/NRK– Forholda kunne ha vore betre
Vêrforholda i området gjer at oljen flyttar seg raskt sørover.
– Det kunne nok sett betre ut. Det er nord-austleg vind som vil trykkje oljen sørover. Det er og ein jamn straum frå nordvestleg retning som er sterkast ved land. Vinden vil i tillegg auke utover ettermiddagen, seier statsmeteorolog Øyvind Johnsen.
Oljen skal allereie ha slått på land mellom Kragerø og Risør.
