ØIF vert overvaka av forbundet

ØIF Arendal er under overvaking av handballforbundet på grunn av den økonomiske situasjonen i klubben.

ØIF Arendal seriegull

Trass i både serie- og cupgull vert ØIF Arendal overvaka av handballforbundet på grunn av negativ eigenkapital.

Foto: Sander Heggheim/NRK

Årsaka er mellom anna at den regjerande serie- og cupmeisteren har negativ eigenkapital.

Etter det NRK erfarer dreiar det som eit beløp mellom 700 000 og 800 000 kroner.

Denne sesongen har klubben omtrent gått i null, ifølgje dagleg leiar Rune Jakobsen.

Jaktar fleire sponsorkroner

Rune Jakobsen

Rune Jakobsen.

Foto: Leif Dalen / NRK

Det er sesongen før, der klubben fekk krisehjelp frå Sparebanken Sør og Arendal kommune, som framleis skapar utfordring for klubben.

– Dette betyr at vi må levere rekneskap fortløpande, men eg vil ikkje seie at situasjonen er dramatisk, seier Jakobsen til NRK.

Handballklubben vann både serie og cup denne sesongen. For å få positiv eigenkapital må klubben ha inn fleire sponsorar.

– Det er veldig viktig dersom vi skal klare å oppretthalde den sportslege satsinga og ha ambisjonar om å vere i toppen. Då må vi auke sponsorbudsjettet. Det jobbar vi med no, seier han.

Larvik fekk poengtrekk

– Marknaden er vanskeleg akkurat no, men vi føler vi har ei god merkevare, seier han.

Ingen av klubbane i eliteserien for herrar får poengtrekk neste sesong, men Bækkelaget er under skjerpa overvaking.

I eliteserien for kvinner er det klart at Larvik må starte neste sesong med tre minuspoeng på grunn av negativ eigenkapital.