– Henrik har lang erfaring og vil bety mykje for vårt treningsarbeid og utvikling av spelarar. Både dei yngste og dei eldste. Han vil kanskje ha litt meir fokus på målvaktene, seier leiar for sport i ØIF Arendal, Per Carsten Michelsen til NRK.
Bastrup har ein sterk CV å vise til og har i ei årrekkje samarbeidd med Ulrik Wilbek.
Har teke OL-gull
Han var mellom anna assistenttrenar på det danske kvinnelandslaget som tok gull i OL i Atlanta i 1996. I tillegg var han med i trenarapparatet då dei danske herrane vann EM i Norge i 2008. Han har også trent damelaget til Sørfjell i Arendal til opprykk til eliteserien.
Per Carsten Michelsen.
Foto: Sander Heggheim/NRKAkkurat no er Bastrup på landslagssamling med det danske herrelaget i Bornholm.
– Eg tykkjer det er gøy å bli med ØIF Arendal. Eg elskar å komme på trening og sjå engasjementet til menneske som vil trene, seier han til NRK.
I det danske landslaget har han i dag ansvar for videoanalyse. Bastrup trur sjølv at han har mykje å bidra med i eliteserieklubben i Arendal.
– Eg trur eg kan bidra spesielt inn mot målvaktene. Få ein god dialog, bruke tid på tekniske detaljar og ha tid til å jobbe individuelt. Eg er glad for å få sjansen til å utvikle målvaktene, seier han.
– Fantastisk kultur
Dansken har budd i Arendal i snart 15 år, men ser fram sin første heile sesong med ØIF-mannskapet.
– Med det engasjementet som er i klubben no er ein i ferd med å byggje ein fantastisk kultur i klubben. Det gler eg meg til å bli ein del av, seier han.
I tillegg til Bastrup vil Asle Gran gå inn i trenarteamet kommande sesong.
– Til no har Leif Gautestad stått veldig aleine. Det å kunne ha nokon å diskutere med og finne nye løysingar på ting trur eg vil bli eit kjempetilskot, seier Michelsen i ØIF Arendal.
