Det var keeperane til ØIF Arendal som spelte hovudrolla i sluttminutta. Andrekeeper Kristjian Jurisic stengde buret og hindre Bodø i å setje avgjerande mål.
Heilt på tampen var det veteranen Svenn Erik Medhus som stod fram og sikra gullet til arendalittane.
André Jørgensen Hofstøl sende sørlendingane i leiinga 23-22, med berre eit drygt minutt igjen på klokka.
Deretter hadde keeper Medhus to avgjerande redningar i løpet av siste minutt.
Bodø opna best
Det var nordlendingane som kom best i gang. Backen Binai Aziz scora fire av dei fem første måla for Bodø og gjorde ØIF-forsvaret til statistar.
Samstundes stengde Bodø-keeper Joachim Søholm Christensen buret.
20 minutt ut i første omgang såg det heilsvart ut for sørlendingane. Bodø leia 10-6 og var fullstendig overlegne i det meste.
Snudde kampen
Så skjedde det noko med ØIF. Forsvaret klarte å hindre scoringar og keeper Kristijan Jurisic, som kom inn for Svenn Erik Medhus midtvegs, stoppa det som kom forbi forsvaret.
Sakte, men sikkert spelte arendalittane seg inn igjen i kampen. Eitt minutt før pause sende Andre Jørgensen Hofstøl ØIF i leiinga. Men Binai Aziz utlikna sekund før slutt til 11-11.
Kantspelarane Sondre Paulsen og Magnus Jøndal har nærast ikkje vore involverte i spelet til ØIF. Det tok heile 27 minutt før Jøndal kunne notere si første scoring i kampen.
Stillinga var 11-1 til pause.
Lova å redde
Laga fulgde kvarandre tett og byta på og vere i leiinga i andre omgang.
Det blei ei høgdramatisk avslutning. I nest sist speleminutt var det timeout på 22-22 og ØIF hadde ballen.
– Eitt mål og eg lovar og redde neste, ropte keeper Medhus til lagkameratane.
ØIF scora. Medhus redda.