– Eg har aldri grua meg så mykje til å gå på jobb. Eg har jobba her i sju år no, sa Kim Nystøl like før han skulle uti det kalde vatnet på Bystranda i Kristiansand.
HØYR INNSLAGET:
– Håpar vi sjåast igjen
Og han fekk seg ei overrasking før han våga seg uti. Han måtte nemleg vere ute i vatnet i 45 sekund for å kunne kalle seg isbadar.
– Eg tenkte det var in and out, litt sånn kjapt og greit. Men neida, her seier dei at for å bli isbadar, som visstnok skal vere så kult, må du vere uti i 45 sekund. Det får vi no sjå på, vi får ta ei vurdering undervegs, sa han.
På «sidelinja» sto dei andre isbadarane med klokker og tepper.
– Vi får berre sjå korleis dette går. Eg håpar vi sjåast etterpå, sa han til programleiar Tom Nicolai Kolstad rett før han skulle i aksjon.
Fekk applaus
Kim hoppa til stor begeistring hos dei andre isbadarane.
– Kor lang tid er det igjen, ropte Nystøl.
– Du har vore ute i 10 sekund, sa sekundanten.
Etter 45 sekund kunne Nystøl komme opp igjen og varme seg til stor applaus.
– Dette følest greit. Eg er isbadar, var Nystøl sin kommentar etter å ha nådd målet; å bli isbadar.