- SJÅ OGSÅ: Alt om Kongo-saka
– For dei er eit døgn ein evighet. Du kan tenkje deg sjølv. Cella deira er tre gonger fem meter. Dei søv på madrasser på golvet og har nokre enkle plastmøblar. I tillegg til støy og ein ubeskriveleg stank er dei plaga med kakerlakkar, mygg og rotter, seier Edvardsen.
Vil ha fortgang
Natt til tysdag kom Edvardsen tilbake frå Kongo etter å ha besøkt dei to i cella.
– Dei er flinke til å sikre seg. Dei trenar og gjer alt dei kan for å halde motet oppe. Dei håpar at møta dei næraste dagane kan gi resultat. Dei trur dei skal komme ut, men har slutta å håpe på datoar, seier han.
- LES OGSÅ: Drøfter Moland og French i Kongo
Om rundt to månader har dei to sitte i fengsel i Kongo i to år. Onsdag er ambassadør Jon Vea i Kinshasa for å presse på styresmaktene i Kongo med tanke på utlevering til Norge.
– UD er opptekne av å få fortgang i denne saka. Vi vil løfte opp møta vi hadde i januar og løfta vi vart gitt då, seier han til avisa.
Håpar på gjennombrot
Han fortel at norske styresmakter er oppgitt over at saka dreg ut i tid. I januar vart UD forsikra om fortgang i utleveringssaka. Det var blant anna lova at dei to skulle overførast til sentralfengselet i Kinshasa, som er første skritt på veg heim til Norge.
– Det er uvanleg at styresmaktene i eit land ikkje etterlever løfter ein gir overfor andre styresmakter, seier han.
- LES OGSÅ: Kongo-overføring forsinket
– Det gjer denne saka uforutsigbar og vårt arbeid vanskeleg. Difor er det ekstra viktig at vi faktisk reiser til Kongo for å leggje press på kongolesarane. Vi håpar jo at det skal komme eit gjennombrot, seier han.
Slår ihjel rotter kvar dag
Dei to nordmennene har fått ein bærbar DVD-spelar, filmar og bøker inn i cella for å få dagane til å gå. I tillegg har dei fått eitt aggregat.
– Det er til stor hjelp. Når det er 40 grader og straumen er borte kan dei likevel ha to små vifter som dei har skaffa seg, gåande. Vanlege folk, som ikkje har den erfaring og bakgrunn som dei to har ville ha brote saman for lenge sidan, seier Rune Edvardsen.
Ifølgje avisa har Moland og French ein eigen rottepinne, som dagleg vert brukt til å slå ihjel rotter med.
– Betre dialog no
Tidlegare har familiane til dei to kritisert UD for ikkje å prioritere saka. No har Mathilde Moland inntrykk av at norske styresmakter pressar på for å få fortgang.
– Eg føler det er ein betre dialog og at dei vert teke meir på alvor no enn tidlegare, seier ho til Agderposten.
- LES OGSÅ: Krever fortgang i Kongo
– Eg har forhåpningar, men ser samstundes ikkje vekk ifrå at dei må feire toårsjubileum på cella. Men så lenge gutta der nede held ut og klarar å ta ein dag av gangen, må vi her heime også klare det, seier ho.