– Vi sat berre i sofaen og såg ut av vindauget, og så såg Helene nokon uvanlege, store svarte prikkar over fjellet, seier Martine Finnestad frå hytta på Brokke.
Det var Agderposten som først skreiv om saka.
Martine Finnestad er på Brokke med venninnene Pernille Gunnersen, Emma Wiig, Sigrid Gunnarsli og Helene Mosvold.
– Etter kvart køyrde vi nærmare for å sjå kva det var, og da så vi ganske tydeleg i kikkerten at det var bjørn.
Fredag ettermiddag har politiet også fått melding frå tyskarar på tur nord for Løefjell på som skal ha høyrt dyrelydar, ikkje langt frå der jentene skal ha filma det dei så.
Tyskarane frykta det kunne vere bjørn.
Viltnmeda er på veg til staden for å undersøkje om det er spr etter bjørn.
– Ikkje ku eller jerv
Jentene trudde først det måtte vere ei ku dei såg, men så skjønte dei at det kunne det ikkje vere.
– Ut frå det vi såg, så er vi sikre på at det var bjørn, seier Finnestad.
– Vi har jo sett ku før, og vi veit at det er mykje jerv her oppe, men vi er ikkje i tvil om at det ikkje var ku eller jerv, legg ho til.
Ser etter spor
Eit søk på internett, viste jentene at det har vore bjørn i Brokke tidlegare.
– I 2011, men vi veit jo at det er uvanleg her oppe. Det var derfor vi syntest det var litt sjukt, seier Finnestad, som alt i alt syntest dei har vore heldige som har sett bjørn.
Lokal rovviltkontakt Tom Olav Trydal i Setesdal, var fredag formiddag på plassen der kor jentene meiner de såg bjørnen.
Det er rett sør for Sitåsen hyttefelt.
– Eg har tatt ein runde for å sjå etter moglege spor, men har ikkje funne nokon. Det er ikkje lett å finne spor på sommaren, på barmark og i lyng. Eg har heller ikkje funnet møkk, seier Trydal.