Tre kyrkjer i sørlandsbyen skal no få eit heilt nytt varmesystem. Heretter er det setevarmen som gjeld.
- LES OGSÅ: K-k-k-kald k-k-k-kirke
– Det nye oppvarmingssystemet er basert på at vi har montert benkevarmarar under benkane. Desse gir strålevarme ned på golvet og gir varme på benken. På den måten vil dei som sit oppleve at det kjennest varmare fordi varmen er der personen er, seier Ole Aasen hos Kirkevergen i Arendal til NRK.no.
Lågare romtemperatur
– Vi satsar difor ikkje først og fremst på å varme opp lufta og konstruksjonen, men i den sona personane sit, seier han.
Men det nye stystemet gjer ikkje at ein kan kutte ut anna oppvarming.
- LES OGSÅ: Iskald begravelse
– Vi må setje på litt varme i kyrkja som før. Men vi kan operere med noko lågare romtemperatur enn vi kunne gjer før, seier han.
Kan spare pengar
Det betyr at det er pengar å spare.
– Vi håpar på å spare noko. For i tillegg til dette systemet har vi også veldig god kapasitet. Det er eit kraftig anlegg slik at ein kan varme nokså hurtig opp, og dermed kan varmeanlegget vere på i kortare tid og dermed bruke mindre straum, seier Aasen.
- LES OGSÅ: Kirken er et iskaldt hus
No vert det planlagt å få eit slikt system i tre kyrkjer i Arendal.
Måtte stengje kyrkja
– Planen er at vi skal byte ut systemet i Hisøy kirke i 2011 og Engene kirke i 2012. No får vi berre håpe at bevillingane vert fulgt opp slik at vi kan få gjennomført det, seier han.
I fjor mått Hisøy kirke stengjast på grunn av voldsom kulde.
- LES OGSÅ: Prestane frys
– Får vi dette til i alle kyrkjene vil vi få eit godt fyringssystem, seier Aasen.
