Ransakinga skjedde i Grimstad i fjor sommar. Politiet hadde mistanke om at kvinna brukte narkotika og fann kvinna sittjande i ein bil.
Hadde kjøpt narkotika
– Eg var klar over at det låg ein pistol i bilen. Den låg i baksetet. For at denne ikkje skulle bli funne av politiet, la eg den i bh-en saman med cirka eitt gram amfetamin som eg hadde kjøpt tidlegare same dag, sa kvinna i retten ifølgje Agderposten.
I tillegg til våpen narkotika- og våpenbesittelse vedgjekk kvinna å ha køyrt bil i ruspåverka tilstand to gonger. I tillegg køyrde ho bil seks gonger utan gyldig førarkort.
Må i fengsel
– Etter retten si oppfatning kvalifiserer dei gjentekne tilfella av køyring utan gyldig førarkort isolert bedømt til betinga fengsel og bot og ligg i grenseland mot ubetinga fengsel, skriv retten i dommen.
Kvinna vart til slutt dømd til 120 dagars fengsel.
Kvinna møtte i Aust-Agder tingrett tiltalt for narkotika- og våpenbesittelse. 42-åringen erkjente alle forhold i retten.
