Sjølv summerte opp politiet sin operasjonsleiar Ingrid Mæhre natta på følgjande måte:
– Mange personar får karakter «lite godt» i oppførsel.
Tidlegare denne veka vart det kjent at politiet no har moglegheit til å stenge ute bråkmakarar frå sentrum.
Folk som gjentekne gonger lagar bråk kan bli utestengde frå sentrum i inntil tre månader i helgene.
Her er politiloggen:
05.17 Arendal: Politiet rykte ut for å dempe høg musikk i eit hus.
05.12 Kristiansand: Ein bilførar er mistenkt for ruskøyring. Førarkortet vart beslaglagt då føraren vart stoppa i Sørlandsparken.
03.26 Lyngdal: Ein førar vart pålagt eit førelegg fordi han hadde for mange passasjerar i bilen.
03.16 Kristiansand: Ein person som utløyste brannalarmen på Yess Hotell i Kristiansand vart pågripen og sett i arresten.
02.19 Arendal: To personar vart i natt arresterte mistenkt for å ha rana til seg ein bil i Arendal. Dei to skal ha truga føraren før dei stakk frå staden. Dei to vart arresterte etter kort tid.
02.32 Kristiansand: To personar vart arresterte fordi dei nekta å følgje pålegg frå politiet.
02.28 Kristiansand: To personar vart vist bort frå sentrum.
02.07 Kristiansand: Ein person vart vist bort frå sentrum.
01.50 Kristiansand: Ein person politiet beskriv som kranglete, rusa og vanskeleg vart sett i arresten.
01.47 Arendal: Ein person fall i vatnet i Pollen. Personen fekk helsesjekk etter hendinga.
01.37 Kristiansand: Politiet vart varsla om eit mogleg innbrot på Lund. Det viste seg å vere ein særs rusa mann som hadde bomma på ei inngangsdør.
01.02 Arendal: Ein person vart sett i arresten etter å ha oppført seg trugande og vanskeleg på ein utestad. Personen er også meld for vald mot politiet.
01.01 Kristiansand: Ein person som ikkje klarte å oppføre seg på ein utestad vart sett i arresten.
00.51 Kristiansand: Ein person vart vist bort frå sentrum.
00.46 Kristiansand: Ein person vart i natt sett i arresten i Kristiansand etter å ha bite ei dørvakt. Politiet rykte ut etter melding om slåsting på utestaden.
00.41 Flekkefjord: Ein person vart vist bort frå sentrum resten av natta etter å ha oppført seg trugande og vanskeleg på ein utestad.
00.32 Grimstad: Ein person vart sett i arresten etter å ha laga bråk.
00.30 Bykle: Ein person vart teken for køyring utan gyldig førarkort. Personen skal også ha vore rusa.
00.26 Kristiansand: Ein person vart sett i arresten etter å ha oppført seg trugande og vanskeleg på ein utestad.
00.10 Arendal: Ein person skal ha blitt slått ned i sentrum. Personen vart send til legevakta. Hendinga er meld til politiet.
00.02 Grimstad: Ein person er vist bort frå Grimstad fram til måndag etter å ha laga bråk på ein utestad.
23.59 Bykle: Ein rusa og kranglete person vart sette i arresten. Personen er også meld for å bere kniv på offentleg stad.